Доне Таневски продолжува да го намалува сопствеништвото во „Македонијатурист“. Претседателот на Надзорниот одбор на компанија продаде 31.117 обични акции издадени и сега поседува 17.247 обични акции, односно 3,81 отсто.
Истовремено, сопственоста во „Македонијатурист“ ја зголемуваат „М.Г. Фешн“ и „Промедика“.
Според последните објави на Македонската берза „М.Г. Фешн“ купи дополнителни 31.117 акции и сега поседува 50.912 акции односно 11,26 отсто од вкупниот број обични акции.
Прочитај повеќе
Продадени два блока акции од „Македонијатурист“ за 7,3 милиони евра
Акциите претставуваат 7,32 проценти од основната главнина на друштвото.
30.12.2024
„М.Г.Фешн“ продаде 15.000 акции од „Македонијатурист“
Според податоците од Централниот депозитар за хартии од вредност заклучно со 23 декември годинава компанијата поседуваше 7,69 проценти од вкупниот број акции од „Македонијатурист“.
26.12.2024
„Скопски пазар“ и „Промедика“ ја зголемија сопственоста во „Македонијатурист“
По најновите промени во сопственичката структура во „Македонијатурист“, „Скопски пазар“ ја зацврсти позицијата како најголем поединечен акционер во компанијата.
12.12.2024
„Современ дом“ и „Скопски пазар“ го купија пакетот акции од „Македонијатурист“ за 7,3 милиони евра
Акциите се продадоа преку моделот „се или ништо“ по почетната цена од 10.150 денари по акција и со тоа двете компании се стекнаа со 9,83 проценти од основната главнина на друштвото.
28.11.2024
„Промедика“ пак купи дополнителни 2.000 акции и сега поседува 53.771 акција односно 11,89 отсто од вкупниот број обични акции издадени од „Македонијатурист“.
Последните прегрупирања во компанијата се резултат на двете блок трансакции од понеделникот (30.12.2024 година) за кои пишуваше „Блумберг Адрија“.
Во две блок трансакции тогаш се продадоа 33.117 акции или 7,32 проценти од основната главнина на друштвото. Вкупната вредност на трансакциите изнесуваше 454 милиони денари (околу 7,3 милиони евра).
Во првата блок трансакција вредна 434,5 милиони денари (околу седум милиони евра) се продадоа 31.117 акции коишто претставуваат 6,88 проценти од основната главнина на друштвото. Акциите се продадоа по цена од 13.964 денари за акција.
Во втората блок трансакција вредна 20,4 милиони денари (околу 331.000 евра) се продадоа 2.000 акции коишто претставуваат 0,44 проценти од основната главнина на друштвото. Акциите во оваа блок трансакција се продадоа по цена од 10.200 денари за акција.
.webp){kind=icon}