„М.Г.Фешн“ продаде 15.000 акции од „Македонијатурист“

„М.Г.Фешн“ продаде 15.000 обични акции издадени од „Македонијатурист“, информираат од компанијата преку Македонската берза. Оттаму додаваат дека истовремено компанијата „Чезакомерц“ купила дополнителни 56 акции и сега поседува 28.158 акции односно 6,22 проценти од вкупниот број обични акции издадени од „Македонијатурист“.

Со продажбата на акциите „М.Г.Фешн“ го намали учеството во сопственичката структура на „Македонијатурист“. Според податоците од Централниот депозитар за хартии од вредност заклучно со 23 декември годинава компанијата поседуваше 7,69 проценти од вкупниот број акции од „Македонијатурист“.

Меѓу останатите акционери кои заклучно со овој датум поседуваа над пет проценти од вкупниот број акции во „Македонијатурист“ се „Скопски пазар“, која е најголем поединечен акционер и поседува 19,73 проценти од акциите во компанијата, „Промедика“ (11,45 проценти), Доне Таневски (10,69 проценти), Симеон Павлов (10,47 проценти) и „Македонијатурист“ (10 проценти).

Во моментов нема коментари за веста. Биди прв да коментира...

Остави коментар