На јавна берзанска аукција денеска на Македонската берза се продаде пакет од 44.449 обични акции издадени од „Македонијатурист“ АД Скопје за сума од 451,1 милиони денари (7,3 милиони евра). Акциите, коишто претставуваат 9,83 проценти од основната главна на друштвото се продадоа преку моделот „се или ништо“ по почетната цена од 10.150 денари по акција.
„Блумберг Адрија“ веќе објави дека минатата недела донесе нови промени во сопственичката структура на „Македонијатурист“. „Промедика“ стана нов акционер и поседува 8,68 проценти од основната главнина на друштвото, а „Скопски пазар“ ја зголеми сопственоста на 10 проценти од основната главнина. Минатата недела во блок трансакција вредна 417,9 милиони денари (6,7 милиони евра) се продадоа 30.741 акција од „Македонијатурист“ коишто претставуваат 6,80 проценти од основната главнина на друштвото. Акциите се продадоа по цена од 13.597 денари за акција, којашто е многу повисока од просечната цена од 7.501 денар по која вчера се тргуваа акциите на компанијата.
Според последната евиденција на Централниот депозитар за хартии од вредност за акционери кои поседуваат над пет проценти од основната главнина на друштвото заклучно со 25.11.2024 Доне Таневски, кој поседуваше 23,4 проценти од вкупниот број акции продал дел од своите акции во компанијата и поседува 17,72 проценти од вкупниот број акции. Втор најголем акционер во „Македонијатурист“ е „Скопски пазар“, компанија којашто ја зголеми сопственоста од 9,9 на 10 проценти од вкупниот број акции, а потоа следуваат „Македонијатурист“ која што поседува 10 проценти од сопствените акции, „Сава пензиски фонд“ (8,80 проценти), „Промедика“ (8,68 проценти), Симеон Павлов(8,19 проценти) и „МГ фешн“ (7,69 проценти).
Прочитај повеќе
Кулминација на битката за „Македонијатурист“: На аукција ќе се понудат 44.449 акции од компанијата
Во среда ќе се понуди за продажба пакет што претставува 9,83 проценти од основната главнина на друштвото.
25.11.2024
„Македонијатурист“ ја тресе берзата: Продаден блок акции за 6,7 милиони евра
Се продадоа 30.741 акција коишто претставуваат 6,80 проценти од основната главнина на друштвото.
19.11.2024
„Скопски пазар“ стана втор најголем акционер во „Македонијатурист“
„Скопски пазар“ ја претекна „МГ фешн“ на листата најголеми акционери во „Македонијатурист“.
14.11.2024
До објавувањето на оваа вест, немаше официјална информација кој е купувач на пакетот акции која беа понудени на аукција и какви се најновите промени во сопственичката структура на компанијата.
.webp){kind=icon}
