Инвеститорите на „Тесла“ (Tesla Inc.) за момент заборавија на најлошата продажба на возила на компанијата од 2022 година и ги подигнаа нејзините акции со надеж дека Илон Маск ќе се повлече од својата работа во администрацијата на Трамп.
И додека милијардерот допрва треба да ги објави своите планови, веста на „Политико“ во средата сугерираше дека неговото време како главен советник на Доналд Трамп може наскоро да заврши. Претседателот неодамна му кажал наводно на својот најтесен круг на соработници дека главниот извршен директор на „Тесла“ ќе се врати на своите бизниси во наредните недели, според медиумот, кој цитира неидентификувани луѓе од опкружувањето на Трамп.
Акциите на „Тесла“ по написот скокнаа дури за 5,9 проценти, по претходните падови, и едвај попуштија откако портпаролката на Белата куќа, Каролин Левит, ја нарече „ѓубре“ сторијата на „Политико“.
Прочитај повеќе

Маск вели дека неговата грижа за администрацијата на САД го чини пад на акциите на „Тесла“
Илон Маск призна дека неговиот политички ангажман влијае на „Тесла“
31.03.2025

Протести пред салоните на „Тесла“ во САД и Европа против отказите што ги дели Илон Маск
Демонстранти се собраа вчера пред салоните за автомобили на компанијата „Тесла“ во неколку американски и европски градови.
30.03.2025

Стартапот на Илон Маск „Икс еј-ај“ (xAI) ја презема социјалната мрежа Х
„Вкупната вредност на 'Икс еј-ај' е 80 милијарди долари, а само Х вреди 33 милијарди“, напиша милијардерот Маск во својата објава на Х.
29.03.2025

Каде се произведуваат електричните автомобили за САД и кој е најмногу изложен на царини
САД воведуваат царини од 25 отсто за увоз на електрични автомобили и делови.
02.04.2025

Меѓу многуте губитници, Илон Маск е победник во војната со царините за возилата
Планираните царини на американскиот претседател Доналд Трамп за увоз на автомобили ќе им наштетат на автопроизводителите во светот и ќе ги зголемат цените за американските потрошувачи.
27.03.2025

Дали е време за купување акции на „Тесла“ или компанијата на Маск е новата „Нокиа“
„Продажбата на 'Тесла' не паѓа затоа што Маск не ни е симпатичен, туку затоа што компанијата не го испорачува ветеното“, вели Новотни.
26.03.2025

Кети Вуд категорична: Акцијата на „Тесла“ ќе достигне 2.600 долари
Акциите на компанијата годинава паднаа за 31 отсто.
25.03.2025
Прашањата околу фокусот на Маск врз „Тесла“ беа значителна недоумица за инвеститорите во последно време. Некои акционери го критикуваа производителот на електрични возила за недостиг од јасна стратегија за справување со реакциите на потрошувачите против неговиот извршен директор и недоволно добро справување со неговата веќе доста застарена линија на производи.
„’Тесла’ е Маск, а Маск е ’Тесла’, така што вестите за негово повторно фокусирање кон компанијата ги надминуваат сите негативни аспекти“, рече Дејв Маза, извршен директор во „Раундхил фајненшл“ (Roundhill Financial Inc.), инвестициска куќа што е акционер во „Тесла“. „И ако остар пад на продажбата без јасен план како да се подобрат нештата би ја потонал која било акција, ’Тесла’ не е која било акција“.
Левит во пост на Х наведе дека Маск веќе изјавил дека планира да се откаже од улогата на специјален владин вработен кога ќе заврши неговата работа во таканаречениот Оддел за владина ефикасност. Според иницијативата позната како DOGE, Маск има цел да ја намали федералната работна сила и да елиминира целосно некои агенции.
„Колку повеќе тој станува политички обоен со DOGE, толку повеќе трпи брендот“, истакна Ден Ајвс, аналитичар од „Ведбуш секјуритис“ (Wedbush Securities), во својата реакција во средата. „Маск треба да ја спречи оваа политичка бура и да балансира како извршен директор на ’Тесла’ и предводник на DOGE“.
Акциите на „Тесла“ многу пораснаа во неделите по победата на Трамп, со очекување дека врските на Маск со новоизбраниот претседател ќе бидат од корист за производителот на електрични возила. Но тие придобивки беа збришани на почетокот на 2025 година.
Оттогаш Маск го извалка своето име во Вашингтон и пошироко со поддршката на екстремно десничарски кандидати и каузи, што доведе до протести во САД и во Европа.
„Акционерите на ’Тесла’ знаат дека постои ризик од тоа компанијата да зависи од еден човек, бидејќи голем дел од нејзиното вреднување е поврзано со иновации надвор од електричните возила. Без целосно внимание на Илон, вреднувањето е загрозено“, рече Дејвид Вагнер, портфолио-менаџер во „Аптус капитал адвајзорс“ (Aptus Capital Advisors LLC.) „Оваа вест треба да биде добредојдена за акционерите“.