Малите инвеститори во понеделникот започнаа рекорден бран на купувања, поништувајќи го падот од 1 отсто на индексот S&P 500 предизвикан од намалувањето на кредитниот рејтинг на САД од страна на агенцијата „Мудис“ кон крајот на минатата недела. Индивидуалните инвеститори во САД купија акции во нето вредност од 4,1 милијарди долари до 12:30 часот по њујоршко време, што е највисоко ниво досега за тој период од денот – и прв пат досега го пробија прагот од 4 милијарди долари до пладне, според податоците што ги собра Ема Ву од „ЈП Морган“.
S&P 500 падна за речиси 1,1 отсто рано наутро во понеделникот, но до попладне вредноста на индексот се помести во зелено. Малите инвеститори учествуваа со 3 отсто во обемот на тргување што е најмногу во историјата.
„Малите инвеститори учат на потешкиот начин, заостанувајќи за време на претходните закрепнувања на акциите“, рече Френк Монкам, раководител на макротргување во „Бафало Бају Комодитиз“. „Тие речиси цврсто се обврзаа никогаш повеќе да не ја направат таа грешка.“
Прочитај повеќе
Златото повторно е барано прибежиште откако „Мудис“ го намали кредитниот рејтинг на САД
Цената на златото утрово малку порасна бидејќи растечката загриженост за економските перспективи на САД и буџетскиот дефицит ја зголемија побарувачката за средствата што важат за засолништа.
19.05.2025
ИПО-пролет во Европа: Повеќе компании ги одмеруваат своите опции
Компании од Германија, Шведска и од Португалија веќе водат разговори со инвеститори и ги разгледуваат опциите за ИПО.
16.05.2025
Бафет го намали уделот во банкарски акции, а акциите на неговиот „Беркшир“ солидно пораснаа
Во првиот квартал акциите на „Беркшир“ се зголемија за повеќе од 11 проценти, а индексот S&P 500 порасна за помалку од еден отсто.
16.05.2025
Царинските акробации на Трамп ги држат берзанските аналитичари во неизвесност
Стратезите за продажба масовно ги намалуваат своите прогнози за индексот S&P 500, бидејќи претседателот Доналд Трамп воведе царини низ целиот свет.
14.05.2025
Bloomberg
Купувањето е продолжение на серијата агресивни купувања на американски акции од страна на мали инвеститори, кои ги грабаат акциите со рекордно темпо, бидејќи S&P 500 се движи кон мечкин тренд забележан за време на длабоката распродажба предизвикана од царините во април. Тие сега уживаат во закрепнување бидејќи индексот се приближува кон раст од 20 отсто и биковски пазар. Во меѓувреме, таканаречените паметни пари останаа на маргините.
Стратезите на Волстрит во понеделникот во голема мера го отфрлија намалувањето на рејтингот од страна на „Мудис“, советувајќи ги клиентите да продолжат да купуваат акции. Стратегот на „Морган Стенли“, Мајкл Вилсон, изјави дека инвеститорите треба да купуваат во време на пад на американските акции предизвикан од падот на рејтингот во петокот, бидејќи трговското примирје со Кина ги намали изгледите за рецесија. Во „Ејч-ес-би-си холдингс“, главниот стратег за различни средства, Макс Кетнер, изјави дека неговиот тим го гледа секое намалување на ризичните средства како можност за зголемување на изложеноста.
„Мислам дека малиот инвеститор го прави она што е интуитивно правилно, распределувајќи го капиталот на места каде што може да ви ја даде најатрактивната награда приспособена на ризикот“, рече Винсент Лорусо, главен извршен директор и портфолио менаџер во „Клоу Капитал Партнерс“, кој вели дека купувањето акции сега има смисла со оглед на падот на инфлацијата и сè уште силните биланси на корпорациите и потрошувачите. „Малите инвеститори се доволно паметни да го препознаат ова како област на можности.“
Поединечните акции учествуваа со малопродажни купувања во вредност од 2,5 милијарди долари во понеделник, додека ЕТФ-овите учествуваа со 1,5 милијарди долари, според податоците на „ЏП Морган. Малите инвеститори агресивно ги купуваат фаворитите „Тесла“ и „Палантир Технолоџис“, кои имаа прилив од 675 милиони долари и 439 милиони долари, соодветно. Тие, исто така, насочија пари во биткоин ЕТФ-ови, додека останаа нето продавачи на „Енвидија“.
.webp){kind=icon}
