Европските акции пораснаа и покрај плановите на претседателот Доналд Трамп за тарифи на патентирани лекови
Индексот Stoxx Europe 600 се зголеми за 0.5 отсто до пладне часот по локално време во Лондон. Секторот за здравство ги надмина претходните загуби и порасна за 0.2 отсто откако Трамп најави дека планира да воведе 100 отсто царина на патентирани лекови од 1 октомври, освен ако производителот не гради фабрика во САД. Акциите на „Ново Нордиск“ паднаа за 1.7 отсто, а на „Зеланд фарма“ за 2.8 отсто.
Bloomberg Mercury
„Со оглед на недостигот на детали, можноста само мал број лекови да бидат засегнати и ризикот од политички последици поради зголемување на цените, би се воздржале од намалување на изложеноста кон фармацевтскиот сектор поради оваа најава“, изјави Волф фон Ротберг, стратег за акции во „Банк Сафра Сарасин“.
Прочитај повеќе
Tрамп планира нов бран царини со 100 отсто давачки на патентирани лекови
Американскиот претседател Доналд Трамп најави 100 отсто царини на патентирани лекови од 1 октомври, потег што предизвика потреси на берзите и загриженост кај фармацевтските гиганти.
пред 8 часа
ОЕЦД: Царините ќе нанесат значителен удар на светската економија во 2026 година
ОЕЦД направи мали промени во прогнозите за 2026 година, кога се очекува глобалниот раст да падне од годинашните 3.2 отсто на 2.9 отсто, а растот во САД да забави на 1.5 од 1.8 отсто, поради повисоки увозни давачки и зголемена неизвесност.
23.09.2025
Ера на царини - како пазарите ја следат непредвидливоста на Трамп
САД имаат најголем дефицит во надворешната трговија со Кина (270,4 милијарди долари), по што следува Европската Унија, кога ќе се комбинираат износите на нејзините членки.
17.09.2025
Кај другите индивидуални акции, „СТ Микроелектроникс“ падна за 1.5 отсто по извештајот на „Волстрит џурнал“ дека администрацијата на Трамп размислува за намалување на зависноста на САД од чипови произведени во странство.
Европските акции се движат во тесен опсег додека инвеститорите ја проценуваат можноста за намалување на каматните стапки во САД. Подоцна денес, вниманието ќе биде насочено кон омилената мерка за инфлација на Федералните резерви — PCE индексот — за да се добие увид во состојбата на американската економија.
„Ова може да биде добар момент за купување, наместо за продавање на европски акции“, рече Софи Хуин, портфолио менаџер и стратег во „БНП Париба асет менаџмент“. „Фармацевтскиот сектор е голем, но многу специфичен по земји. Ќе предизвика нервоза, но инвеститорите треба да го гледаат поширокиот контекст.“
.webp){kind=icon}
Во моментов нема коментари за веста. Биди прв да коментира...