text size
„Голдман Сакс“ (Goldman Sachs Group, Inc.), каде што долго време имаат оптимистички став за златото, соопшти дека постои простор за натамошен раст на овој благороден метал, преминувајќи ја нивната сегашна прогноза, притоа повикувајќи се на зголемениот интерес од страна на приватни инвеститори.
Неочекувано силниот прилив на средства во фондови што се базирани на злато го надминал нивниот претходен модел, посочуваат аналитичарите, меѓу кои и Ден Струјвен, во својата белешка. Ако приватните инвеститори насочат повеќе капитал кон злато, тоа може значително да ги надмине сегашните прогнози на „Голдман Сакс“ од 4.000 долари по унца за средината на 2026 година и 4.300 долари до крајот на следната година.
Банката пред еден месец наведе дека златото би можело да се приближи до 5.000 долари по унца ако во него се инвестира само 1 отсто од капиталот на приватниот сектор што држи американски државни обврзници.
Цената на златото порасна за 12 отсто од 29 август, откако ја проби границата од 3.200-3.450 долари по унца, во која се движеше во поголемиот дел од вториот и третиот квартал.
GOLDS:COM
GOLD SPOT $/OZ
3.873,05 USD
+7,3070000000002 +0,19%
почетна цена
3.870,21
претходна цена на затворање
3.865,74
промена од почетокот на годината
47,442560487712%
дневен опсег
3.853,03 - 3.874,28
опсег на 52 недели
2.536,92 - 3.895,38
Еден од поттикнувачите, како што наведуваат аналитичарите, можеби е повторниот раст на купувањето злато од страна на централните банки, по летниот застој, додека шпекулативните позиции објаснуваат само мал дел од последниот раст.
Златото во последниот период се позиционира како една од најуспешните големи суровни, скокајќи за речиси 50 отсто годинава и надминувајќи го инфлациски приспособениот рекорд од 1980 година. Овој раст беше поттикнат од координираната набавка на централните банки и продолжувањето на намалувањето на каматните стапки од страна на Фед. Во четвртокот златото се тргуваше за околу 3.865 долари по унца, со што го задржа петдневниот раст, за време на кој беа постигнати нови рекорди и кој го доближи златото до следниот праг од 4.000 долари.
Овој тренд го поттикна и затворањето на американската влада, што дополнително ја засили загриженоста во врска со фискалната политика и притисокот врз доларот.
.webp){kind=icon}
