Берзите се ближат кон прв неделен раст по месец дена, расте и нафтата

Вредноста на акциите во САД се подобри бидејќи инвеститорите проценија дека монетарното затегнување за инфлацијата да се стави под контрола во САД и Европа се исплатува.

Азиските акции пораснаа најмногу во последните две недели откако скромните добивки на Вол Стрит го вратија индексот S&P 500 на ниво над 4.000 за прв пат од крајот на август. S&P 500 порасна за 0.7 проценти, а Nasdaq 100 за 0.5 отсто.

Еврото го достигна најниското ниво во последните две недели откако Европската централна банка вчера ја зголеми каматната стапка за 75 базни поени. Обложувањата дека Федералните резерви (ФЕД) ќе ја зголемат каматата со ист процент кога ќе се состанат кон крајот на месецов се зголемија откако претседателот Џереми Пауел повтори дека ФЕД се ослучни во сузбивањето на ценовниот притисок.

Јенот ги бележи своите најдобри денови во последниот месец додека трговците размислуваат за коментарите за валутата од гувернерот на Јапонската централна банка, Харухико Курода.

Обврзниците се повлекоа преку ноќ поради чувствителноста на политиките, сепак оставајќи го двегодишен принос највисок од 2007 година. Индексот Bloomberg dollar spot иако падна, сепак остана близу рекордно високото ниво.

Bloomberg Mercury

Нафтата порасна на 84 долари за барел. WTI суровата нафта доби 0,3 отсто на цената и се тргуваше за 83,80 долари за барел. И златото се покачи за 0,7 отсто, на 1.720,23 долари за унца.

Светските акции се на пат кон првиот неделен напредок во последниот месец, што е мал чекор раздвижување од преднаците на мечкин пазар, што се појавија поради монетарното заострување, енергетските проблеми и забавувањето на економскиот раст на Кина