Падот на криптото е добар зошто ја исчистил индустријата од 'туристи'

Годинашната тешката економска клима истурка некои од „туристите“ во крипто-индустријата, оставајќи зад себе посилна група на компании, вели Ирина Хаивас, партнер во фирмата Atomico, која инвестира во ризичен капитал.

„Не е лошо што еуфоријата исчезна“, рече таа, говорејќи на технолошкиот самит на Bloomberg во Лондон во средата, бидејќи тоа значи дека луѓето што градат крипто-компании се свесни за условите на пазарот и „сакаат да изградат нешто поодржливо наместо да шпекулираат наоколу“.

Едвард Купер, шеф на крипто-секторот во финтек стартапот Revolut, се согласува со нејзината констатација. Тој вели дека 2020 година била многу еуфорична, со многу крипто-компании кои се појавиле без одржлив бизнис модел.

„Потоа плимата исчезнува и оние со добри бизнис модели преживуваат и стануваат посилни“, нагласи тој.

Купер додаде дека обемот на тргување со крипто-средства меѓу клиентите на Revolut е намален, но бројот на корисници што се регистрирале е многу поголем отколку на почетокот на 2020 година, што тој го припиша на луѓето кои признаваат дека криптовалутите стануваат „мејнстрим средство“.

Регулацијата на крипто-средствата беше од корист за работењето на Revolut бидејќи прави традиционалните бизниси да се чувствуваат поудобно во партнерството со нив, рече Купер.

На Revolut неодамна му беше одобрена регистрација за крипто-операции во Обединетото Кралство од страна на FCA (Financial Conduct Authority), објави Bloomberg.