.webp){kind=icon}
„Силвергејт“ (Silvergate Capital Corp) ја прекина мрежата за плаќања што служеше како витален центар за инвеститорите во индустријата за криптовалути, неколку дена откако фирмата го отвори прашањето за сопствената одржливост.
„Силвергејт банка донесе одлука заснована на ризик да ја прекине мрежата за размена на плаќања на 'Силвергејт'. Сите други услуги поврзани со депозитите остануваат оперативни“, објави синоќа компанијата на својата интернет-страница.
Платформата за плаќања на компанијата беше нејзината водечка понуда. „Силвергејт“ ја нарекуваше мрежата „срце“ на својата група услуги за криптоклиентите. Системот им понуди на клиентите можност деноноќно да префрлаат готовина еден до друг, со слоганот: „Збогум, редовно работно време на банките, здраво 24/7“.
„Ова е многу лош знак. Со чекање по затворањето на работното време да се објави ова, сега ништо од парите не може да се пренесе. Добрата вест е дека многу криптолуѓе веќе ги прекинаа односите со 'Силвергејт' и се оддалечија од нив, што е помалку катастрофално отколку што би можело да биде“, рече Џеј Остин Кембел, заменик-професор на „Колумбија бизнис“ (Columbia Business School), во телефонско интервју по објавата на „Силвергејт“.
„Силвергејт“ во средата изјави дека можеби ќе треба да ја процени својата одржливост, откако претрпе загуба од една милијарда долари на крајот на четвртиот квартал, како и дополнителни загуби во јануари и февруари.
Клиентите се оддалечија од банката во услови на зголемена несигурност, која ги советуваше своите клиенти да ги насочат средствата на друго место, истовремено уверувајќи ги дека се безбедни.
Овој потег доаѓа откако банкарските регулатори дадоа повеќе коментари, предупредувајќи ги финансиските институции што ги надгледуваат за опасностите од изложеноста на крипто, вклучувајќи ја и нестабилноста.
„Ова е интересен настан за криптоиндустријата, бидејќи СИ беше највисоко регулираната и најтранспарентна друга страна на институционалниот пазар за тргување, доведувајќи во прашање како би можело да изгледаат банкарските шини за крипто во иднина“, рекоа аналитичарите на КБВ (KBW), предводени од Мајкл Перито, во белешка оваа недела, пред објавата од банката.
