text size
Софтверската компанија „Мајкростратеџи“ (MicroStrategy) го привлекува вниманието на главните играчи во финансискиот свет поради инвестициите во водечката светска криптовалута - биткоинот. Пред речиси три години, компанијата стана една од првите јавни корпорации во САД што го интегрираа биткоинот во своето работење. Оттогаш, „Мајкростратеџи“ продолжи да додава дигитално злато во својата ризница. За ова во голема мера е одговорен директорот Мајкл Сејлор, кој минатата година се повлече од таа позиција.
Според податоците од веб-страницата „Биткоин трежрис“ (Bitcoin Treasuries), евидентно е дека најголем сопственик на овие токени, од сите јавни корпорации, е „Мајкростратеџи“, со 140 илјади биткоини.
Bitcoin Treasuries
На второ место е американската корпорација „Маратон диџитал“ (Marathon Digital), со 12.232 биткоини, потоа корпорацијата „Тесла“ (Tesla) на Илон Маск, со 9.720 биткоини, на четврто место е канадската корпорација „Хат 8“ (Hut 8 Mining Corp), со 8.388 биткоини, додека „Блок“ (Block) ги комплетира првите пет места со 8,027 токени.
Американската Комисија за хартии од вредност (SEC) не одобри тргување со фондот Bitcoin Exchange Traded Fundom (ETF). Исто така, SEC го отфрли предлогот на Кети Вуд и нејзиниот „Арк инвестмент“ (Ark Investment Management) и „21 Шерс“ (21Shares) за фонд што инвестира во криптосредства. Повторните апликации ќе бидат отворени во мај.
Сепак, корпорациите од овој твит, меѓу кои се и финансиски институции, учествуваат во купувањето на овој вид средства. Финансискиот гигант „Вангард“ (The Vanguard Group) поседува 905.164 акции на „Мајкростратеџи“, додека „Блекрок фонд“ (BlackRock Fund) има 598.092 акции. Американските банкарски гиганти, Банката на Америка (Bank of America) и „Фиделити“ (Fidelity), купија повеќе од 85 милиони долари во акции на „Мајкростратеџи“ во првиот квартал од годинава.
Многу светски корпорации вклучуваат различни видови средства во нивните биланси, а со тоа и криптовалути. Покрај американските и канадските корпорации, има и европски претставници, како што се германската „Биткоин груп“ (Bitcoin Group) и норвешката корпорација „Акер“ (Aker ASA).
.webp){kind=icon}
