.webp){kind=icon}
Биткоинот е на пат кон својот најлош квартал во повеќе од една деценија, бидејќи агресивните централни банки и низата на крипто-експлозии од висок профил го наметнуваат таквото расположение.
Потонувањето од 58 отсто на најголемата криптовалута е најголемо од третиот квартал на 2011 година, кога биткоинот сè уште беше во почетната фаза на развој, покажуваат податоците собрани од Bloomberg.
Деценијата меѓу тие одредници беше одбележана со неколку подеми и падови, при што пазарната вредност на криптовалутите порасна до врвот на 3 трилиони долари, бидејќи тие добија широкa популарност, а ултра ниските каматни стапки поттикнуваа преземање ризик. Но, сегашниот пазар се издвојува по обемот на отповикани крипто потпори и поради регулаторната контрола.
Цените повторно паднаа денеска, при што токенот падна под 19.000 долари. Биткоинот се тргуваше со пад од 6 отсто на 18.979 долари заклучно со 10:39 часот во Лондон. Повеќе алткоини поминаа полошо, при што Avalanche и Polygon паднаа околу 10 отсто.
Лошите вести се надоврзуваат и на укорот на крипто етосот кој има тенденција кон нескротливи шпекулации и слободни иновации: токен што требаше да биде врзан за американскиот долар пропадна, речиси веднаш бришејќи приближно 40 милијарди долари од пазарната вредност. Неколку крипто-заемодавци беа принудени да го запрат повлекувањето, оставајќи ги штедачите на цедило. Неодамна, истакнат крипто хеџ-фонд доби наредба за ликвидација откако имаше неодржлива потпора за да ги поттикне своите облози.
И покрај сето сивило, некои аналитичари укажуваат на знаци дека дното можеби е блиску. Раздолжувањето што го забрза падот во изминатите месеци можеби нема да има уште многу простор, посочуваат стратезите на JPMorgan Chase & Co., вклучително и Николаос Панигирцоглу, во белешка објавена во средата.
„Биткоинот имаше добар успех во последните десетина години во правењето циклични ниски падови на секои 90 недели“, рече техничкиот стратег на Fundstrat, Марк Њутон. „Човек треба да биде на штрек во јули, се чини дека расположението доаѓа до пресвртна точка“, додава тој.
