„Стандард Чартерд“ (Standard Chartered) ги засили своите биковски прогнози отколу биткоинот, таргетирајќи 120.000 долари до крајот на 2024 година, речиси четирикратно од сегашната цена, бидејќи рударите кои се поснабдени со готовина ја намалуваат продажбата на токенот.
„Зголемената профитабилност на рударите по ископан биткоин значи дека тие можат да продаваат помалку додека одржуваат готовински приливи, намалувајќи ја нето понудата на биткоини и зголемувајќи ги цените на токенот“, напиша во понеделникот Џеф Кендрик од „Стандард Чартерд“.
Копањето на биткоини е енергетски интензивен процес во кој рударите користат моќни компјутери за да ги потврдат податоците за трансакциите на блокчејнот на биткоин, одржувајќи ја мрежата да работи и за возврат заработувајќи го токенот како награда.
Прочитај повеќе
Треска во криптосекторот го лансира биткоинот блиску до едногодишен максимум
Биткоинот се движи околу својот едногодишен максимум додека менаџерот на средства „Фиделити“, наводно, ја подготвува својата пријава за фонд со кој се тргува на берза.
28.06.2023
Биткоинот на шестнеделен максимум, титани се пробиваат во криптосферата
Биткоинот е поттикнат од криптоиницијативи во кои се вклучени главните играчи од традиционалниот финансиски сектор.
21.06.2023
Криптопазар: Водич за инвестиции во Македонија
За една година биткоинот порасна за над 70 проценти и сега чини речиси 29.000 долари.
23.06.2023
Тие профитираат со продажба на засилениот биткоин на пазарот. Кога цените на биткоинот се повисоки, рударите можат да ги покријат трошоците преку продажба на помалку биткоини, задржувајќи повеќе во очекување на повисоки цени во иднина.
Смелите предвидувања за цената на биткоинот не се ништо ново. Меѓу оние кои предничат е Кети Вуд од „Арк инвестмент“ (Ark Investment Management), која го удвои своето предвидување дека биткоинот ќе достигне милион долари до ноември 2030 година.
„Стандард Чартерд“ во април прогнозираше дека биткоинот може да достигне 100.000 долари за еден токен, до крајот на следната година. Прогнозата го потцени влијанието што би го имала поголемата профитабилност на рударите врз намалувањето на понудата на биткоини на пазарот, велат тие сега, и очекуваат цената да достигне 50.000 долари до крајот на оваа година пред да скокне на дури 120.000 долари во 2024 година.
„По неодамнешните цени, тие [рударите] продава 100 отсто од новиот биткоин; а по цена 50.000 долари мислиме дека би продале 20-30 отсто,“ напиша Кендрик.
Дополнување на притисокот во снабдувањето е претстојното „преполовување“ во 2024 година, однапред програмиран настан што ќе ја намали понудата на биткоин награди достапни за рударите од околу 900 дневно на околу 450. Се случува на секои четири години и го одржува биткоинот под границата од 21 милион токени.
Биткоинот, најголемото средство во криптосекторот, годинава има добивка од 83 отсто и моментална цена од над 30.500 долари која и натаму го остава далеку под рекордно високото ниво од скоро 69.000 американски долари во ноември 2021 година.
Неговиот неодамнешен скок се совпадна со мноштво поднесоци во САД, вклучително и апликација од „Блек рок“ (BlackRock Inc.), која има речиси совршена евиденција за поднесување и добивање одобрение за ETF (фонд со кој се тргува на берза).
.webp){kind=icon}
