text size
Повеќето криптовалути вчера забележаа загуби, а на неделна основа падот е уште поголем. Додека се наоѓаме во период на стагнација на цените на дигиталните средства, уште еден пад изненади многумина. Така, во последните нешто повеќе од дваесет и четири часа, беа изгубени околу четири милијарди долари пазарна капитализација.
Прочитајте повеќе: Биткоинот падна под 28.000 долари за првпат од крајот на јуни
На неделно ниво, биткоинот падна за 4,37 отсто, додека етериумот се намали за 4,26 отсто. Покрај двете водечки криптовалути, како најголеми губитници на неделно ниво се издвојуваат доџкоин со минус од 11,70 отсто, потоа полигон со пад од 12,44 отсто и лајткоин со загуба од 10,25 отсто. Најголеми губитници од првите сто криптовалути по пазарна капитализација се ГМХ (GMX), со пад од 19,54 отсто, и компаунд (Compound) со загуба од 18,09 отсто.
Coinmarketcap.com
Вкупната набљудувана пазарна капитализација потона од 1,2 билиона долари пред два дена, на сегашните 1,18 билиони. Со ова, криптопазарот повторно се приближува до психолошката граница од еден билион американски долари во капитализација.
Со општиот пад на цените на криптовалутите, како што беше тренд досега, најмногу се погодени т.н. алткоини.
Како една од главните причини за ваквиот пад ја посочуваме веста од четвртокот, според која една од најголемите светски криптоберзи, „Бајненс“ (Binance), одлучи да ја затвори својата регулирана единица попозната како „Бајненс конект“ (Binance Connect). Истиот ден децентрализираната менувачница „Бисвоп“ (Biswap), базирана на БНБ-синџир на „Твитер“, објави дека „Бајненс“ го суспендирала овој начин на овозможување услуга.
„Бајненс конект“ беше лансиран на 7 март 2022 година, а во тоа време беше познат како „Бифинити“ (Bifinity). Услугата дејствуваше како давател на плаќања од фиат во криптоплаќања преку поврзување на криптокомпаниите со традиционалниот финансиски систем. При лансирањето, платформата поддржуваше 50 криптовалути, заедно со фиат-начини на плаќање, вклучувајќи ги „Виза“ (Visa) и „Мастеркард“ (Mastercard).
.webp){kind=icon}
