.webp){kind=icon}
Седуммината најголеми крипто милијардери собраа богатство од повеќе од 145 милијарди долари за време на најславниот период на биткоинот. Сега, кога биткоинот падна под 20.000 долари, тој пропадна со брзината со која што и настана, па милијардерите изгубија повеќе од 70 отсто од своето богатство.
XBTEUR:CUR
XBT-EUR Cross Rate
19.765,28 EUR
+216,98 +1,11%
почетна цена
19.548,3
претходна цена на затворање
19.548,3
промена од почетокот на годината
-51,5985%
дневен опсег
19.528,07 - 20.357,31
опсег на 52 недели
17.802,47 - 59.612,94
Предводник на листата на крипто-милијардери е извршниот директор на „Бајнанс“ (Binance), Чангпенг Жао, кој забележа најголем пад, губејќи дури 77 милијарди долари за само осум месеци. Сепак, неговото богатство порасна во текот на изминатиот месец, достигнувајќи 19 милијарди долари, што е доволно за да купи 11 милиони унци злато.
Binance, кој вели дека нема седиште во ниту една земја, но има филијали расфрлани низ целиот свет, се појави како фокусна точка за американските истражители кои сакаат да ја зауздаат крипто индустријата. Bloomberg News претходно објави дека се соочува и со истраги од Министерството за правда, Комисијата за тргување со фјучерси на стоки и Службата за внатрешни приходи.
Жао неодамна изјави дека неговата компанија ќе го зголеми бројот на вработени.
Втор на листата, е извршниот директор на FTX, Сем Бенкмен-Фрид, кој загуби околу шест милијарди долари, а неодамна трговската фирма „Аламеда рисрч“ (Alameda Reasearch), каде тој е еден од основачите, беше вмешана во банкрот на „Војаџер“ (Voyager). Имено, испадна дека „Аламеда рисрч“ (Alameda Research) е заемодавач, заемопримач и сопственик на крипто-брокерот.
Банкмен-Фрид ја основаше фирмата во 2017 година за да извршува крипто арбитражни зделки пред да продолжи со водење на сега гигантската крипто берза FTX.
30-годишникот изгубил речиси милијарда долари само во претходните три дена.
Брајан Армстронг, извршен директор на „Коинбејс глобал“ (Coinbase Global), кој предвиде дека до крајот на деценијата милијарда луѓе ќе користат или ќе испробаат криптовалути, изгуби над 11 милијарди долари. Според индексот на милијардери на Bloomberg, неговото богатство се намалило на околу две милијарди, откако продажбата на дигитални валути, од биткоин на етер, резултираше со пад на пазарната вредност на најголемата американска крипто-берза „Коинбејс“.
Армстронг не е ни блиску до 500-те најбогати на листата на Bloomberg, но тој не е единствениот милијардер на „Коинбејс“ кој губи пари. И ко-основачот Фред Ехрсам, поранешен трговец на „Голдман Сакс“ (Goldman Sachs), моментално вреди 1,9 милијарди долари, а оваа година неговото богатство изгуби околу 60 отсто од вредноста.
Најголемата американска крипто-берза објави дека ќе отпушти 18 отсто од својата работна сила, наведувајќи дека е можна рецесија што може да доведе до „крипто-зима“.
Мајк Новограц, извршниот директор на крипто-банката „Галакси Дигитал“ (Galaxy Digital) и еден од пионерите на стејблкоинот тера УСД (terra USD) загубил 6,5 милијарди долари. Ова уследи по мајскиот колапс на тера и нејзиниот сестрински токен, луна.
„Веројатно сум единствениот човек на светот кој има тетоважи и од биткоин и од луна“, изјави Новограц пред неколку месеци.
40-годишните близнаци Тајлер и Камерон Винклвос заминаа на турнеја со нивниот рок бенд „Марс џанкшн“ (Mars Junction) откако нивната компанија за криптовалути, „Џеминај“ (Gemini), отпушти 10 отсто од својот персонал. Само од вчера близнаците изгубиле по милион долари.
Претходно во јуни годинава, крипто-заемодавачот „Целзиус нетворкс“ (Celsius Networks) го суспендираше повлекувањето на средства од својата платформа за речиси два милиони корисници, наведувајќи ги екстремните пазарни услови како причина за овој потег. Оттогаш, регулаторите за хартии од вредност во пет држави започнаа истрага за работењето на оваа крипто-банка. Општите загуби на крипто-пазарот веројатно ќе доведат до нови правила и прописи насочени кон заштита на потрошувачите.
Додека многу инвеститори стравуваат од потенцијална рецесија, многу трговци продаваат поризични средства, а многу крипто-компании отпуштаат работници, иднината за листата на најбогати во крипто светот, барем на краток рок, не е оптимистичка. Заедничкото богатство само од вчера е намалено за два милиона, а единствен кој забележал пораст е прворангираниот Жао.
Индексот на милијардери на Bloomberg покажува и дека 500-те најбогати луѓе во светот од сите индустрии изгубиле дури 1,4 милијарди долари само во првата половина од годината.
