.webp){kind=icon}
Биткоинот уште еднаш го покажа своето нестабилно лице, а пошироката распродажба на криптосредството го повлече назад кон 40.000 долари.
Падот беше и до 7,5 отсто, откако загубите беа ублажени до одреден степен, а токенот се врати на околу 42.000 долари. Други токени, како што се етер, XRP, полкадот и кардано, исто така бележат пад. Индексот што ги следи стоте најголеми дигитални монети падна за околу четири отсто, што е најголем пад од ноември 2022 година.
XBTEUR:CUR
XBT-EUR Cross Rate
39.373,75 EUR
-2.048,61 -4,95%
почетна цена
40.732,39
претходна цена на затворање
41.422,36
промена од почетокот на годината
152,7289%
дневен опсег
38.567,55 - 40.931,00
опсег на 52 недели
15.336,48 - 41.552,55
Инвеститорите веруваа дека биткоинот може да продолжи да расте годинава и очекуваа дека регулаторите би можеле да го одобрат формирањето на првиот ЕТФ поврзан со најголемата криптовалута, што би можело да го зголеми бројот на оние што се подготвени да инвестираат во крипто. Очекувањата дека Федералните резерви (Фед) би можеле да ги намалат каматните стапки во 2024 година исто така придонесоа за порастот на цените на класите на дигитални средства.
Прочитај повеќе
Биткоинот цели кон 50.000 долари во јануари
Биткоинот порасна за повеќе од 60 проценти од средината на октомври.
07.12.2023
Вредноста на биткоинот се зголеми, но не и интересот за него
Сè уште не може да се забелжи зголемена возбуда или интерес за оваа крипто валута како порано.
06.12.2023
Сè што треба да знаете за биткоинот откако вредноста надмина 40.000 долари
Биткоинот годинава порасна за повеќе од 140 проценти, надминувајќи ги другите инвестиции, како акции и злато.
04.12.2023
„Порасна процентот на оние што тргуваат со левериџ (н.з. позајмени средства)“, вели Ричард Галвин, коосновач на „Дигитал асет капитал“ (Digital Asset Capital Management) со седиште во Сиднеј. „Овој пад повеќе ми изгледа како последица на ослободувањето на пазарот од левериџ отколку како последица на некој основен макрофактор“, додаде тој.
Податоците од „Коинглас“ (Coinglass) покажуваат дека долгите позиции на биткоин во вредност од 299 милиони долари денеска биле затворени во Сингапур до 13.05 часот. Тоа не се случило од средината на септември.
Се чека на Фед
Инвеститорите ги чекаат податоците за инфлацијата во САД, како и одлуката на Фед, кои се состануваат последен пат во 2023 година. И двете би можеле да ја доведат во прашање вербата на инвеститорите дека доаѓа намалување на каматните стапки. Индексот поврзан со доларот малку порасна, додека инвеститорите во акции се внимателни на почетокот на неделата.
„Исто така, има смисла да видиме одредено повлекување профит“, смета Тони Сајкамор, аналитичар во „ИГ Австралија“ (IG Australia Pty). Тој додава дека падот на околу 37.500 долари може да донесе нови купувачи што се обложуваат на раст на биткоинот.
Од почетокот на годината, биткоинот порасна за 150 отсто, но сепак останува под врвот што го забележа во пандемијата од 69.000 долари.
