Износот на средства што криптопроектите ги загубија од хакерите досега оваа година се намали за околу половина на приближно 1,7 милијарди долари, во услови на подобрени безбедносни мерки и зголемено спроведување на законот.
Дури и со дополнителните хакерски напади во декември, оваа година веројатно ќе „заврши со значително пониски вкупни суми од 2022 година“, според „ТРМ Лабс“ (TRM Labs), која им помага на клиентите да откријат финансиски криминал. Минатогодишните 4 милијарди долари од хакерски криптонапади вклучуваа бројни големи кражби, како што е нападот од 600 милиони долари на блокчејн мрежата наречена Ронин бриџ (Ronin bridge), која беше поврзана со играта „Акси инфинити“ (Axie Infinity).
„Иако само еден напад со големина на Ронин не дели од рекордно висока година, фокусот на светот кон сајбер-криминалот веројатно, барем делумно, ќе придуши некои критични активности за да се овозможи правниот екосистем да расте“, рече Ари Редборд, шеф на одделот за политика и владини прашања во ТРМ.
ТРМ откри дека првите 10 хакерски напади им донеле на криминалците речиси 70 отсто од сите украдени средства оваа година. Нападите на апликацијата за децентрализирани заеми Ојлер фајненс (Euler Finance), Мултучејн (Multichain) мостот што поврзува различни блокчејнови и криптоберзата Полониекс (Poloniex) донесоа по 100 милиони долари.
Украдени средства класифицирани по тип на хакерски напад
TRM Labs
Инфраструктурните напади - како кражба на приватен клуч што им овозможува на хакерите пристап до сервери за криптопроекти или софтвер за да украдат средства или да манипулираат со тргувањето- сочинуваат скоро 60 проценти од вкупната кражба оваа година, наведуваат од ТРМ.
.webp){kind=icon}
Во моментов нема коментари за веста. Биди прв да коментира...