Неверојатниот раст на биткоинот се чини дека создава околу 1.500 нови „милионерски паричници“ дневно, според фирмата за криптоаналитика „Каико рисрч“ (Kaiko Research).
Паричниците се дигитални адреси на биткоин блокчејнот, во кои корисниците можат да складираат криптовалути. Податоците како што е бројот на токени што ги чува паричникот се достапни бидејќи мрежата е јавна и не е контролирана од никакви централизирани посредници. Сепак, адресите се анонимни, што прави тешко да се разликува дали се контролирани од поединци или ентитети.
Оригиналната криптовалута порасна за околу 70 отсто веќе оваа година, во услови на зголемена побарувачка за американските фондови со кои се тргува преку берза, а на кои првпат им беше дозволено да чуваат токени во јануари. И покрај тоа, темпото на создавање нови милионерски паричници е пониско отколку за време на последниот биковски пазар во 2021 година, кога повеќе од 4.000 паричници достигнуваа граница од милион долари дневно. Највисокото ниво за тековната година беше 1.691 паричник на 1 март.
Прочитај повеќе
Биткоинот привлече рекордни приливи на пазарот на криптовалути
ЕТФ-овите, како што се „Блекрок“ и „Фиделити“, досега привлекоа нето-прилив од околу 9,5 милијарди долари.
12.03.2024
Рекордите на биткоинот и на златото се неверојатен контраст за пазарите
Рекордно високите вредности што во вторникот ги достигнаа двете средства испраќаат мешани пораки за апетитот за ризик на глобалните пазари.
06.03.2024
Како да инвестирате во биткоин ЕТФ?
ЕТФ е кошница од хартии од вредност што следи одреден индекс или средство.
05.03.2024
Побавното темпо може да се должи на неколку работи. Допрва треба да пристигне свеж капитал во полна сила; големите играчи т.н. китови профитираат додека биткоинот достигнува нови врвови; китовите ги чуваат своите средства со чувари, наместо со лични паричници, посочи „Каико“ во извештајот од понеделникот.
„Во 2021 година имаше огромен прилив на капитал кога инвеститорите се тркаа да извлечат корист од криптовозбудата“, се наведува во извештајот. „Овој пат китовите би можеле да преземат повнимателен пристап, чекајќи да видат дали придобивките имаат издржаност пред да инвестираат“.
.webp){kind=icon}
