Глобалните криптофондови забележаа силен пад минатата недела бидејќи инвеститорите повлекоа 942 милиони долари - најмногу досега, според „Коин шерс“ (CoinShares International Ltd).
Седумнеделната низа на приливи забележа повеќе од 12 милијарди долари префрлени во фондовите, што го доведе биткоинот до историски максимум од 79.798 долари на 14 март. Сепак, падот на најголемата криптовалута оттогаш до петокот ги збуни инвеститорите, што доведе до пресврт на нето-тековите минатата недела, според Џејмс Батерфил, шеф за истражување во „Коин шерс“.
„Неодамнешната корекција на цената предизвика колебливост кај инвеститорите, што доведе до многу помал прилив кај новите издавачи на ЕТФ (фондови со кои се тргува на берза) во САД“, рече Батерфил во извештај од понеделникот.
Bloomberg
Овие нови фондови привлекоа приливи од околу 1,1 милијарда долари минатата недела, што, според него, помогна за „делумно неутрализирање на значајните одливи од 2 милијарди долари кај 'Грејскејл' (Grayscale) минатата недела“.
Долгоочекуваните американски спот ЕТФ-биткоини, кои започнаа со тргување во почетокот на годинава, откако добија одобрение од Комисијата за хартии од вредност на САД, го сочинуваат најголемиот дел од вкупните текови на криптофондовите, при што некои инвеститори што поседуваа постари канадски и европски фондови ги префрлија своите пари во поевтините американските фондови. Минатата недела десетте американски биткоин-фондови забележаа одлив од 888 милиони долари - околу 94 отсто од вкупните текови на глобалните криптофондови, според податоците собрани од „Блумберг“.
Фондовите што држат етер, солана и кардано исто така забележаа комбинирани нето-одливи од околу 43 милиони долари минатата недела, според „Коин шерс“. „Алткоините забележаа релативно позитивни перформанси, при што токените, вклучувајќи ги полкадот, аваланч и лајткоин, забележаа приливи од 16 милиони долари во истиот временски период“, рече Батерфил.
Биткоинот порасна трет ден во понеделникот, искачувајќи се за 6,8 отсто, до 70.622 долари, во 13.09 часот во Њујорк.
.webp){kind=icon}
