Американските спот биткоин фондови со кои се тргува на берза (ЕТФ) ги претрпеа своите најголеми дневни одливи во моменти кога дигиталниот токен ја започна својата најлоша недела од август 2023 година.
Инвеститорите во средата повлекоа нето 564 милиони долари од групата од речиси десетина фонда, што е најголемо повлекување од дебито на фондовите во јануари. Проекциите дека каматните стапки во САД ќе останат високи подолго им наштетија на ризичните средства како што се криптовалутите, при што Федералните резерви (Фед) соопштија дека нема да брзаат во тој поглед.
Фондовите од компании како „Блекрок“ (BlackRock Inc.) и „Фиделити“ (Fidelity Investments) претходно на некој начин испишаа историја со нивното лансирање. Се слеваа пари, што го подигна биткоинот на историски максимум од речиси 74.000 долари во март.
XBTEUR:CUR
XBT-EUR Cross Rate
53.901,3 EUR
+407,61 +0,76%
почетна цена
53.493,69
претходна цена на затворање
53.493,69
промена од почетокот на годината
41,6114%
дневен опсег
53.176,25 - 54.596,50
опсег на 52 недели
22.778,92 - 67.431,45
Споменатата група на средства, до денес, сè уште има нето-прилив од над 11 милијарди долари, но побарувачката неодамна опадна заедно со заострувањето на финансиските услови во САД, каде што Фед се соочува со надминување на упорната инфлација.
„Ова е моменталната состојба на работите“, рече Керолин Боулер, извршна директорка на криптоберзата БТЦ (BTC Markets Pty). „Има намалување на биткоинот и одлив од ЕТФ, но целокупната слика е здрава во однос на побарувачката за ЕТФ во различни делови на светот“, додаде таа.
Патем, Хонгконг неделава ги котираше своите први ЕТФ-ови што инвестираат директно во биткоин и етер, но тој момент не успеа да го подигне расположението на криптопазарите.
Во средата фондот „Фиделити вајз ориџин биткоин“ (Fidelity Wise Origin Bitcoin) забележа нето-одлив од 191 милион долари, што е најголемиот дневен нето-одлив во неговото портфолио досега. Фондот на „Блекрок“ (BlackRock), „Ајшерс биткоин“ (iShares Bitcoin Trust), забележа повлекување од 37 милиони долари, што е првпат во неговото кратко постоење. Инвеститорите исто така повлекоа 167 милиони долари од фондот на „Грејскејл“ (Grayscale Bitcoin Trust), најголемиот биткоин ЕТФ.
Следуваа рекордни падови на нето-вредноста на средствата, што ги нагласи предизвиците што можат да произлезат од нестабилноста на биткоинот.
.webp){kind=icon}
Во моментов нема коментари за веста. Биди прв да коментира...