Биткоинот во саботата го достигна највисокото ниво од средината на јуни благодарение на оптимизмот на инвеститорите и опоравувањето на пазарот. Но, денеска повторно забележа пад.
Најголемата криптовалута падна за дури 2,4 отсто на 23.247 долари, откако во саботата достигна 24.658 долари, што беше нејзината највисока вредност од 13 јуни. Растот од 27 отсто во јули е најдобар резултат од октомври минатата година.
Етер, исто така, падна по минатомесечниот скок од 70 отсто, негов најдобар учинок од јануари 2021 година.
„Август ќе биде тежок месец за биткоинот, предвидувам континуирана нестабилност“, рече ко-основачот и извршен директор на Nex, Антони Тренчев.
Bloomberg
Сепак, по капитулацијата во јуни и по апсорпцијата на минатонеделните макро шокови, односно зголемувањето на каматната стапка на ФЕД и најавата за контракција на американската економија втор квартал по ред, биткоинот е склон да го повтори јулскиот отпор.
Биткоинот падна под 20.000 долари во текот на јуни и јули поради загриженоста за зголемувањето на каматните стапки и инфлацијата, но и поради проблемите со криптовалутите како имплозијата на екосистемот Terra/Luna и хеџ фондот Three Arrows Capital.
Токенот сè уште е далеку од рекордно високото ниво од 69.000 долари во ноември, но почна да покажува одредена сила наспроти економските показатели и построгата монетарна политика.
„Криптовалутите се будат од хибернација, па очекуваме повторно да полетаат“, рече во петокот Едвард Моја, висок пазарен аналитичар во Oanda.
.webp){kind=icon}
Во моментов нема коментари за веста. Биди прв да коментира...