Криптовалутите забележаа загуби по вториот најлош неделен пад на дигиталните средства во 2024 година, што е одраз на заладувањето на побарувачката за биткоин-фондови со кои се тргува преку берза и неизвесноста околу монетарната политика.
Мерачот на стоте најголеми дигитални средства падна за околу пет проценти во седумте дена до неделата, што е најлош таков пад од април, покажаа податоците собрани од „Блумберг“.
Лидерот на пазарот, биткоинот падна под 63.000 долари во понеделникот, што е најниско ниво во повеќе од еден месец. Падот беше поттикнат од шестдневниот одлив од американските биткоин ЕТФ-ови.
Раздорот што навлезе на криптопазарот доаѓа во услови на сомневања за капацитетот на Федералните резерви (Фед) наскоро да ги намалат каматните стапки од нивните највисоки нивоа во последните две децении. За некои аналитичари повлекувањето на дигиталните средства е предупредувачки знак за апетитот за ризик во пошироки размери.
Тековната динамика на криптопазарот се карактеризира со „ниска нестабилност, мек волумен и книга со налози (во очекување за одредена криптовалута), кои стануваат неурамнотежени додека цените почнуваат да се движат кон работ на нивниот опсег“, напиша Дејвид Лоант, раководител на истражување во „Фалкон екс“ (FalconX).
Падовите се особено забележливи во некои сегменти: низата неделни падови на етер и солана е најдолга од минатата година и од 2022 година, соодветно. Ова се случува дури и кога компаниите за фондови се подготвуваат да ги лансираат првите американски ЕТФ-ови што инвестираат директно во етер, втората најпопуларна криптовалута.
Солана неодамна беше миленик на различни хеџ-фондови за дигитални средства, со биткоинот, кој достигна рекордно високо ниво од 73.798 долари во март. Сепак, овој квартал заостанува зад традиционалните средства како акции, обврзници, злато.
.webp){kind=icon}
Во моментов нема коментари за веста. Биди прв да коментира...