text size
Криптовалутите трпат остра распродажба откако глобалните пазари се повлекоа поради сè поголемата неизвесност во врска со монетарните политики.
Криптовалутата биткоин падна за дури 8,3 проценти, достигнувајќи го најниското ниво од крајот на јули. Најголемиот дигитален токен ублажи дел од загубите и утрово во Лондон се тргуваше со пад од 6 отсто, односно за 21.990 американски долари. Пазарите на акции беа намалени низ Европа.
Bloomberg Chartmaker
Етер и помалите виртуелни монети забележаа поостри падови. Кардано и Солана во еден момент паднаа за повеќе од 10 отсто.
Прочитај повеќе
Институциите се враќаат со инвестиции на крипто пазарот
Институциите се враќаат како инвеститори во сферата на крипто валутите, додека малите инвеститори кои всушност претставуваат крвоток во криптосферата, сè повеќе се размислуваат дали да се вратат во игра.
15.08.2022
Крипто компаниите во обид да завладеат со спортското рекламирање
Новата група на бизниси се движи агресивно и веќе им се спротивставува на „рекламните мускули“ на докажаните цврсти спонзори во спортот.
06.08.2022
Заздравувањето на криптовалутите од јуни се чини дека е сè почувствително бидејќи трговците се борат да стекнат јасно чувство за насоката на монетарната политика на Федералните резерви (FED). Двајца од банкарите на ФЕД, Џејмс Булард и Естер Џорџ, вчера дадоа различни сигнали за висината на зголемувањето на каматната стапка.
„Трендот на заздравување изгледаше ослабнат и тоа траеше со недели но, не сметам дека единствено тоа е причината за вакво големо раздвижување одеднаш“, вели Крег Ерлам, виш пазарен аналитичар во Оанда.
Сега вниманието се насочува кон годишниот симпозиум на ФЕД, што треба да се одржи следната недела. Веќе се шпекулира дека претседателот на ФЕД би можел да се потпре на неодамнешното олабавување на финансиските услови, што во последните недели претставуваше стимул за финансиските пазари.
.webp){kind=icon}
