.webp){kind=icon}
Сопственик на сметка во „Коинбејс“ (Coinbase), која управува со платформа за размена на криптовалути, тврди дека поминал денови обидувајќи се да дојде до системот за поддршка на корисници пред конечно да добие помош, откако хакери веќе ја презеле контролата врз неговата сметка и ја испразниле.
Адвокатите на Маниш Агарвал во тужбата поднесена во федералниот суд во Сан Франциско посочуваат дека до моментот кога била контактирана службата за поддршка на корисници, од сметката биле повлечени 200.000 долари во криптовалути.
Во тужбата се наведува дека Coinbase лошо се справува со заштитата на корисничките сметки, а уште полошо при помагањето на клиентите.
Претставниците на Coinbase, фирма која е регистрирана во Сан Франциско, не одговориле веднаш на барањето за коментар.
Bloomberg Mercury
Според адвокатите, службата за поддршка на корисници, наместо да му помогне на Агарвал, го префрлила на автоматизирана онлајн услуга за обработка на жалби, што му оневозможило како корисник да ја објасни својата потешкотија на реален соговорник.
Во тек на 49 минути на 24 април, хакерите направиле шест илјади различни трансакции за да извлечат 190.000 долари од сметката на Агарвал.
Агарвал тврди дека Coinbase одбил да ја надомести неговата загуба. Тој сега предлага на суд да ги застапува сите инвеститори од Coinbase кои претрпеле слични загуби.
