Биткоинот и другите криптовалути паднаа откако Израел започна воздушни напади врз Иран.
Најголемото дигитално средство утрово во Сингапур се лизна за дури три проценти, паѓајќи под 103.000 долари пред да ги намали загубите, според податоците собрани од „Блумберг“. Второрангираниот токен, етер, во еден момент изгуби околу 7,6 проценти од својата вредност.
XBTUSD:CUR
XBT-USD Cross Rate
104.570,36 USD
-1.442,41 -1,36%
почетна цена
106.012,76
претходна цена на затворање
106.012,77
промена од почетокот на годината
11,3657%
дневен опсег
102.785,25 - 106.470,29
опсег на 52 недели
58.892,78 - 111.980,31
Падот се случи откако се слушнаа експлозии во Техеран, според локалните медиуми. Израелскиот министер за одбрана Израел Кац изјави дека прогласува посебна вонредна состојба поради „превентивниот напад“ на Израел врз Иран. Израел очекува одмазднички напад со беспилотни летала и ракети, рече Кац.
Прочитај повеќе
Акциите паѓаат, нафтата и златото растат откако Израел го нападна Иран
Цената на нафтата скокна за дури 13 проценти, што е најголем интрадневен скок од март 2022 година, пред да ги намали добивките.
13.06.2025
Израел ги нападна нуклеарните постројки на Иран, ајатолахот Хамнеи најавува одмазда
Експлозии се слушнаа низ Техеран, Натанц - дом на еден од клучните нуклеарни постројки на Иран - и други градови, според локалните и социјалните медиуми.
13.06.2025
„Криптото реагира негативно на вестите за нападите на Израел во Иран, во согласност со големите ризични средства“, рече Каролин Маурон, коосновачка на „Орбит маркетс“ (Orbit Markets), провајдер на ликвидност за крипто деривати. „Очекуваме да видиме техничка поддршка на околу 101.000 долари, но геополитичките вести краткорочно ќе влијаат на движењето на цените“.
Bloomberg
Акциите паднаа заедно со фјучерсите акциите на индексите, додека инвеститорите веднаш по нападот побрзаа кон безбедните засолништата како што се државните обврзници. Цената на суровата нафта скокна за повеќе од девет проценти, а се зголеми и златото.
Падот на биткоинот покажува дека иако „повремено се тргуваше како макро хеџ, во моменти на акутен ризик како овој, особено што вклучува кинетички воен конфликт, ликвидноста е приоритет пред наративот“, рече Шон Мекналти, раководител на тргување со деривати на Азиско-пацифичкиот регион во брокерската куќа за дигитални средства „Фалкон екс“ (FalconX Ltd). „Трговците собираат готовина, ја претвораат во долари и ја намалуваат изложеноста на волатилност.“
Според податоците на „Коинглас“ (Coinglass), во последните 24 часа ликвидирани се над една милијарда долари долги позиции во сите криптовалути.
Тони Сајкмор, пазарен аналитичар во „Ај-џи“ (IG), рече дека веројатно пред викендот ќе следува „понатамошно влошување на расположението за ризик“.
Биткоинот се тргуваше по цена од 103.540 долари денеска во Сингапур до 10:40 часот наутро.
.webp){kind=icon}
