Трговците на криптовалути се силно погодени по падот на ЕТФ на „Стратеџи“ од 80 отсто

Инвеститорите на мало кои се вклучија во големиот експеримент со биткоин на Мајкл Сејлор плаќаат висока цена.

„Стратеџи“ (Strategy Inc.), компанијата некогаш позната по тоа што ја стави изложеноста на криптовалути во јавни акции, се бори да ги смири пазарите откако нејзините акции паднаа за повеќе од 60 проценти од неодамнешниот максимум, во услови на голем пад на дигиталните валути. Вчера од компанијата „Стратеџи“ изјавија дека создале резерва од 1,4 милијарди долари за финансирање на дивиденди и камати, надевајќи се дека на тој начин ќе ги смират стравувањата дека раководството на компанијата може да биде принудено да продаде биткоини ако цените продолжат да паѓаат.

 

Но, за многу инвеститори штетата е веќе направена. Најпопуларните ЕТФ-ови што ја следат волатилноста на акциите на „Стратеџи“ - MSTX и MSTU, кои инаку нудат двојно поголем дневен принос – оваа година паднаа за повеќе од 80 проценти. Тоа ги става меѓу 10-те фондови со најлоши перформанси на целиот американски пазар на ЕТФ-ови, од повеќе од 4.700 производи со коишто моментално се тргува - веднаш зад нејасните кратки облози против акциите на рударите на злато и акциите на компаниите за полупроводници. Трет фонд, познат како MSTP, лансиран за време на крипто манијата во јуни, е во пад од сличен износ од своето деби. Заедно, од почетокот на октомври триото изгуби средства во висина од околу 1,5 милијарди американски долари.

Малите инвеститори се насочија кон овие фондови кога фирми како „Дефијанс“ (Defiance) и „Татл капитал менаџмент“ (Tuttle Capital Management) лансираа високо-октански производи што го следат еден од најистакнатите биткоин-прокси тргувања на Волстрит.

Bloomberg Mercury

 

Но, тоа што започна како лесен и едноставен начин за зголемување на вложувањата во криптовалути, стана поучна приказна за тоа како финансискиот ризик, нестабилноста и расположението може спирално да се повлекуваат нагоре. 

Само во ноември акциите на „Стратеџи“ изгубија 34 проценти од својата вредност. Биткоинот, исто така, падна за околу 30 проценти од октомвриските максимуми и сега се тргува близу 87.000 долари. „Стратеџи“ вчера затвори со пад од 3,3 отсто, откако претходно падна за дури 12 проценти во текот на денот.

Во рамки на утринското тргување на берзата во Лондон вредноста на биткоинот порасна за 0,5 отсто.

„Неодамнешниот пад на вредноста на биткоинот силно ги погоди акциите на ‘Strategy,’ а двојно левериџирани акции како MSTX и MSTU го претвораат тоа во уште поголеми загуби“, рече Роксана Ислам, раководителка на секторски и индустриски истражувања за трговија со ЕТФ во „ТМХ Ветафи“ (TMX VettaFi). „Тоа е потсетник дека левериџираните ЕТФ со една акција може да изгледаат одлично на патот на раст, но можат и многу брзо да ги избришат добивките кога основната трговија ќе тргне во спротивна насока.“

Bloomberg Mercury

 

„Дефијанс“ (Defiance) одби да коментира. „Татл капитал“ (Tuttle Capital) и „Гранит шеарс“ (GraniteShares), кои стојат зад MSTP, не одговорија веднаш на е-пораките во кои се бара коментар.

Во центарот на загриженоста е метриката за вреднување позната како mNAV, или пазарна нето вредност на активата, која ја споредува вредноста на компанијата „Стратеџи“ со нејзините биткоини. Таа премија во голема мера исчезна, со што коефициентот се искачи на околу 1,15 - ниво што раководителите го означија како предупредувачка зона. Извршниот директор Фонг Ле во поткаст изјави дека падот под 1,0 може да ја принуди компанијата да продава биткоини за да ги исполни обврските за исплата, иако тоа би било само како последна опција.

Новообјавената резерва, финансирана од неодамнешната продажба на акции, е дизајнирана да го спречи тој ризик. Таа покрива најмалку 21 месец исплати на дивиденда и камата. Но, таквата објава не успеа многу да го запре поширокиот пад или да ги реши грижите во врска со изложеноста на „Стратеџи“ на финансиски левериџ.
За да го финансира своето купување биткоини, „Стратеџи“ повеќе пати продаваше обични акции, контроверзна стратегија што ги разводнува постојните акционери. Бидејќи нејзината премија за вреднување еродираше, компанијата се сврте кон издавање повластени акции и други поскапи форми на капитал за да продолжи да купува криптовалути.

Bloomberg Mercury

 

Во меѓувреме, комплексот ЕТФ, изграден околу „Стратеџи“, се бори. Сега се тргуваат ајмалку 15 такви производи на различни начини поврзани со нејзините акции, а многу од нив бележат двоцифрен пад годинава, според податоците собрани од „Блумберг“. Комбинираните средства за MSTX, MSTU и MSTP паднаа од над 2,3 милијарди долари на почетокот на октомври на околу 830 милиони долари денес.

Падот на криптовалутите, и покрај поголемото институционално учество и политичката поддршка од Белата куќа на Трамп, предизвика остри падови кај рударите, алткоините и корпоративните обврзници со голем удел во токени. ЕТФ-овите со левериџ, кои оваа година добија на популарност меѓу трговците, сега се меѓу најтешко погодените.

 

Фондовите се изградени за да ги удвојат дневните движења на „Стратеџи“, структура која може брзо да се удри од глава. На нестабилните пазари акумулираните добивки и загубите може да ги намали приносите дури и во случај кога цената на акцијата останува непроменета, динамика позната како пад на нестабилноста. Кога акциите на „Стратеџи“ паднаа и осцилираа, ЕТФ-овите не само што го следеа падот, туку тие го продлабочија.

„ЕТФ-овите со левериџ генерално се опасна инвестиција. Нивниот профил за купување високо шпекулативна актива претставува ризик сам по себе“, рече Мајкл О'Рурк, главен пазарен стратег во „Џонстрејдинг“ (Jonestrading).

Сега, дури и местото на „Стратеџи“ во главните берзански индекси е под закана. Аналитичарите од „ЏП Морган“ (JPMorgan) предупредија дека компанијата би можела да биде отстранета од референтни индекси како MSCI USA и Nasdaq 100 - промена што би можела да предизвика пасивни одливи од милијарди долари. За фирма што некогаш била потенцијален кандидат за S&P 500, ова е остар пресврт.