Криптовалутите нагло паднаа бидејќи сите ризични средства се намалија, а побарувачката за засолништа зајакна откако американскиот претседател Доналд Трамп предложи нови давачки за осум европски земји.
Биткоинот се лизна за дури 3,6 проценти, паѓајќи под границата 92.000 долари за време на азиското тргување денеска, додека другите токени забележаа поголеми загуби. Етерот, втората најголема дигитална актива, изгуби 4,9 проценти од својата вредност, додека солана падна за 8,6 отсто.
Прочитај повеќе
Златото и среброто скокнаа на рекордно високо ниво поради новите закани за царини
Денеска цената на спот златото се искачи за 1,6 проценти, на 4.668,46 долари за унца, а претходно достигна врв од 4.690,59 долари.
пред 2 часа
Преглед на берзите: Европските акции ги надминаа американските, цените на гасот скокнаа
Берзанските индекси се чини дека станаа имуни на постапките на Трамп. Како да поминала уште една нормална недела.
пред 8 часа
Членките на ЕУ размислуваат за воведување царини на американски стоки во вредност од 93 милијарди евра
Лидерите на ЕУ ќе одржат итен состанок во Брисел подоцна оваа недела за да разговараат за можни одмазднички мерки.
пред 3 часа
Кој добива, а кој губи од влегувањето на Меркосур во европската трговска орбита?
Четврт век преговори меѓу ЕУ и Меркосур конечно доведоа до еден од најголемите договори за слободна трговија во историјата. Меркосур го отвора својот пазар за компаниите од ЕУ, додека ЕУ го отвора својот пазар за земјоделски производи.
пред 5 часа
Распродажбата намали околу 100 милијарди долари од вкупната вредност на крипто пазарот, покажуваат податоците на „Коин геко“ (CoinGecko). Биткоинот ги намали дел од тие загуби и во рамки на утринското њујоршко тргување се тргува со околу 2,5 отсто пад.
Трамп за време на викендот изјави дека ќе воведе царина од 10 проценти на стоки од осум европски земји почнувајќи од 1 февруари, коишто во јуни ќе се зголемат на 25 проценти, освен ако нема договор за „купување на Гренланд“. Тоа доведе до пад на фјучерсите на индексите на американските акции на почетокот на денешното тргување, додека средствата кои се сметаат за засолништа, како злато и сребро, скокнаа до рекордни вредности.
Bloomberg Mercury
Коментарите на претседателот на САД предизвикаа критики од европските лидери, кои сега се подготвени да го спречат одобрувањето на трговскиот договор постигнат минатата година.
Дигиталните средства уживаа во ветувачки почеток на годината, откако 2025 година ја завршија во лоша состојба, не можејќи да остварат одржливо закрепнување од бруталниот октомвриски пад. Биткоинот на 14 јануари се искачи на нешто помалку од 98.000 долари со силни приливи во група фондови со кои се тргува на берзите во САД.
Податоците на „Коин глас“ (CoinGlass) покажуваат дека околу 790 милиони долари биковски облози на криптовалути беа ликвидирани во последните 24 часа. Трговците гледаат 90.000 долари како следна станица ако моменталната поддршка не успее, „додека биковите укажуваат на институционалната побарувачка како потенцијален долен праг“, рече Рејчел Лукас, аналитичар во „Би-ти-си маркетс“ (BTC Markets).
.webp){kind=icon}
