Каматите позначително ќе растат од почетокот на следната година, вели во разговор за Блумберг Адрија ТВ, Јованка Јолевска, генерална директорка на Прокредит банка.
Ова доаѓа откако НБРМ осум пати ја зголемуваше каматната стапка на благајничките записи.
„Каматите поинтензивно ќе почнат да растат на почетокот на следната година, но првите влијанија веќе се чувствуваат во овие неколку месеци, Тие се рефлексија на мерките на НБРМ, но и на мерките на ЕЦБ и ФЕД. Во таа насока, очекувањата се дека каматите ќе растат и на депозитите и на кредитите“, вели Јолевска.
Според Јолевска, кај денарските кредити растот ќе изнесува од 1,5 до 2,5 отсто , а кај девизните кредитите, зголемувањето ќе биде поголемо.
„Кај кредитите во евроклаузула имаме влијание и од ЕУРИБОР- от кој досега беше во негативната зона, а сега изнесува околу 2,4 – 2,5 отсто. Тоа е реалното зголемување и за каматните стапки за девизните кредити“, вели Јолевска.
Целиот разговор погледнете го во видеото погоре.
.webp){kind=icon}
