text size
Европската централна банка (ЕЦБ) „влегува во последната фаза“ на затегнување на монетарната политика, изјави нејзиниот потпретседател Луис де Гуиндос во интервју за шпанскиот дневен весник „АБЦ“.
Како што рече, моментот кога ќе запре растот на каматните стапки зависи од економските показатели, а клучно е што ќе се случи со базичната инфлација.
Досега ЕЦБ ги зголеми трошоците за задолжување за четири процентни поени од јули минатата година, а следниот месец е речиси сигурно уште едно зголемување на каматната стапка, најверојатно за 25 базични поени. Сега каматната стапка на депозитите е 3,5 отсто.
Помалку е сигурно што ќе се случува понатаму, по летната пауза.
Според Гуиндос, монетарната политика и базниот ефект на ЕЦБ ќе помогнат да се намали базичната инфлација.
Тој додава дека ќе биде важно да се следат секундарните ефекти, односно развојот на состојбите околу растот на платите и трошоците за работна сила, па доколку таму работите се искомплицираат „монетарната политика ќе мора да дејствува уште посилно“.
Гуиндос, исто така, смета дека фискалната политика мора да игра улога во ограничувањето на инфлацијата.
.webp){kind=icon}
