text size
Според аналитичарите на AllianceBernstein, неделава економијата на Обединетото Кралство (ОК) се распаѓа.
Не недостигаат докази за тоа. Домаќинствата ја губат куповната моќ, цените на основните производи драстично скокаат, а довербата на бизнисот е лоша. Во изминатиот квартал, британската фунта го постигна својот најлош резултат од 2008 година, губејќи 7,3 отсто во однос на доларот, а тргувањето во петокот заврши на 1,20 долари за фунта.
Bloomberg Mercury
Иако рецесија се најавува низ целиот свет, позицијата на Обединетото Кралство е особено кревка. „Голдман Сакс“ смета дека изгледите за рецесија во таа земја во следните 12 месеци се 45 отсто, додека за еврозоната прогнозите се 40 отсто, а за САД 30 отсто.
Таквата мрачна слика ги оддалечува инвеститорите од имотот во Обединетото Кралство и практично ја сведува на нула речиси секоја активност на спојување или стекнување. „Номура холдингс“ верува дека фунтата ќе падне на 1,18 долари до почетокот на август.
Bloomberg
„Премногу е рано да се мисли дека фунтата е доволно евтина за да започне закрепнување без одредено подобрување на прогнозата за економски раст“, вели Нил Велер од „ЏП Морган“.
Според Џордан Рочестер од „Номура“, раководството на премиерот Борис Џонсон со сомнежи гледа на тоа како идеите за нов референдум за независност на Шкотска следната година може да влијаат на инвестициите.
.webp){kind=icon}
