Наша анализа: ЕЦБ ќе ги зголеми каматите, не е за последен пат

Ново зголемување на каматните стапки за 25 базични поени од страна на Европската централна банка (ЕЦБ) на денешниот состанок, очекува аналитичкиот тим на „Блумберг Адрија“. Тоа би ја зголемило стапката на главните операции за рефинансирање на 4,25 проценти. Во таков случај стапката на депозитите преку ноќ за банките ќе изнесува 3,75 проценти, а 4,5 проценти на граничната позајмица - кредит преку ноќ на банките од евроосоставот.

Bloomberg Chartmaker

„Упорноста за рестриктивност на монетарната политика всушност ја одразува истрајноста на базичната инфлација (инфлација по исклучување на енергијата, храната, алкохолот и тутунот) која сè уште е тврдоглаво висока и на ниво од 5,5 отсто во јуни 2023 година, вели Марина Петров, сениор аналитичарка за пазари во „Блумберг Адрија“. Затоа гледаме висока веројатноста за уште едно зголемување во септември, особено што наративот на ЕЦБ беше прилично јасен цело време - каматните стапки ќе растат и ќе останат високи онолку долго колку што е потребно за да се задржи инфлацијата, додава.

 

 

Според неа ефектите од досегашните мерки на монетарната политика покажуваат резултати и тоа преку заострување на условите за кредитирање, а со тоа и намалена побарувачка за кредити и од компаниите и од населението, како што покажува истражувањето за кредитната активност.

„Овој тренд доведува до намалување на агрегатната побарувачка и намалување на ценовните притисоци, но доколку се засили, може да ја одреди септемвриската одлука на ЕЦБ, вели Петров. Во тој случај, ЕЦБ би го префрлила својот фокус на тоа дали уште едно покачување е всушност премногу, смета аналитичарката.

Ова особено затоа што постои зголемена загриженост за економиите на поголемите земји од еврозоната - Германија, Италија и Франција, чии показатели за расположението тонат сè подлабоко во зоната на контракција. „Дополнителна рестриктивна струја доаѓа преку квантитативното затегнување (QT), кое дава можност ЕЦБ да го прилагоди темпото на својата монетарна политика на овој начин, односно наместо дополнително да ги зголемува каматните стапки, да одлучи да го зајакне квантитативното затегнување, смета Петров.

 

 

 

Во моментов нема коментари за веста. Биди прв да коментира...

Остави коментар