Трговците повторно се занимаваат со можноста за поголем раст на каматните стапки во Обединетото Кралство, со што предизвикуваат дополнителни загуби на, и така, нарушениот пазар со обврзници во земјата.
Аналитичарите во фирмите, вклучувајќи ги Саксо Банк (Saxo Bank A/S) и ТД Секјуритис (TD Securities), велат дека креаторите на политиките би можеле да се одлучат за поголемо зголемување на каматните стапки следниот месец, од 50 базични поени, откако податоците покажаа дека платите растат со најбрзо темпо досега.
Пазарите на пари сега имплицираат речиси една од три шанси за зголемување од половина поен во септември. Пред тоа, дури ни зголемувањето за четвртина поени не беше целосно сигурно.
Пазарот на обврзници во Обединетото Кралство оваа година имаше најлоши резултати во развиениот свет, со 10-годишни приноси зголемени за 94 базични поени. Ова е речиси три пати повеќе од американските државни обврзници со сличен датум и осум пати повеќе од германските обврзници.
Bloomberg
Зголемувањето за половина поен сега е „можност“, рече Алтеа Спиноци, виш стратег за фиксен приход во Саксо банката, во интервју за ТВ Блумберг. „Ќе биде исклучително лошо за пазарот на обврзници“.
БоЕ (Банката на Англија) го забави темпото на затегнување на четвртина поен овој месец по зголемувањето за половина поен во јуни.
Забрзувањето на темпото на затегнување би го зголемило јазот во политиките на БоЕ, со политиките на Федералните резерви и Европската централна банка, кои се при крај на циклусите на зголемување на каматните стапки.
Следниот потег на БоЕ во голема мера зависи од податоците за инфлацијата во Обединетото Кралство кои треба да бидат објавени во среда, како и од податоците кои ќе бидат објавени ден пред официјалните претставници да се состанат за да ја одредат политиката, на 21 септември. Економистите очекуваат дека инфлацијата во Обединетото Кралство повторно ќе опадне.
Индексот на потрошувачките цени се предвидува да падне на 6,7 отсто, што е најниско од почетокот на минатата година, но сепак повеќе од тројно од целта на БоЕ (два отсто).
Иако „замавнувањето напред-назад помеѓу 25 и 50 базични поени е малку веројатно“, според Дерек Халпени, шеф на истражувањето на глобалните пазари за МУФГ Банката (MUFG Bank), приносите ќе се зголемат пред објавувањето на податоците за инфлацијата утре.
Bloomberg
Обврзниците на Обединетото Кралство паднаа денеска, при што приносите на двегодишните обврзници се зголемија за дури 12 базични поени до 5,20 отсто, што е највисоко во последните четири недели. Кај германските 10 годиншни обврзници приносот се искачи на највисокото ниво од март.
„Сега е речиси сигурно дека во септември ќе има зголемување од најмалку 25 базични поени “, рече Џејмс Роситер, шеф на глобалната макро стратегија во ТД Секјуритис.
„Апсолутно не треба да отфрлиме зголемување од 50 базични поени доколку податоците за индексот на потрошувачките цени (CPI) или податоците за платите за следниот месец изненадат уште повеќе“.
.webp){kind=icon}
