Федералните резерви на САД би можеле да расправаат за историско зголемување на каматните стапки за еден процентен поен по вчерашниот извештај за инфлацијата.
„Се е во игра“, вели претседателот на ФЕД Атланта, Raphael Bostic, откако инфлацијата порасна за 9.1 отсто, побрзо од тоа што беше планирано до јуни. На прашањето дали тоа вклучува и подигање на стапките за еден процентен поен, тој одговара: „Тоа би значело се“.
Инвеститорите предвидуваат дека ФЕД ќе ги зголеми каматните стапки за 100 базни поени на состанокот на 26 и 27 јули, што би било најголемо зголемување откако ФЕД почна директно да ги користи каматите за водење на монетарните политики на почетокот на 1990 – тите. Американците се бесни заради високите цени, а критичарите го обвинуваат ФЕД за неговиот бавен одговор на почетокот.
Претседателката на ФЕД Кливленд, Loretta Mester, во интервју за Bloomberg TV, одби да каже дали ќе се залага за зголемување на јулскиот состанок, напоменувајќи дека во меѓувреме биле објавени важни податоци. Но, таа вели дека нема причина за подигање на стапките за помалку од 75 базни поени, што веќе се случи минатиот месец.
„Тоа што јас го претпоставувам од извештајот, а воопшто нема добри вести во тој извештај, е дека инфлацијата останува на неприфатливо високо ниво“, вели таа. „Ние во ФЕД мораме да останеме на тој пат за подигање на нашите камати додека не добиеме убедливи докази дека инфлацијата се намалува“.
ФЕД агресивно тргна против инфлацијата, откако претходно беше обвинуван за бавениот одговор кој ги вознемири финансиските пазари и го зголеми ризикот американската економија да влезе во рецесија. И Bostic и Mester се спротиставија на компромис меѓу инфлацијата и врботеноста тврдејќи дека мора да се обезбеди стабилност на цените дури и ако тоа му наштети на пазарот на труд.
Со оглед на забрзувањето на месечната инфлација, економистите на Nomura Securities International сега очекуваат каматната стапка ФЕД да ја зголеми за цел поен.
„Податоците сугерираат дека проблемот на ФЕД со инфлацијата се влоши и очекуваме дека тие ќе реагираат така што со зголемување на каматата ќе го зајаканат својот кредибилитет“, велат Aichi Amemiya, Robert Dent и Jacob Meyer од Nomure.
Претседателот на ФЕД, Jerome Powell им рече на новинарите дека е веројатно зголемувањето од 50 или 75 базни поени во јули. Поголемиот дел од неговите колеги ја поддржаа идејата и за поголемо зголемување.
Централните банки ширум светот се соочуваат со инфлација без преседан, што доведе до историско зголемување на каматните стапки од Унгарија до Пакистан. Банката на Канада во средата ги зголеми каматите за полн процентен поен заради стравот дека притисоците врз цените ќе станат посилни.
Американската централна банка се сврти кон најагресино заострување на полтиката во последните 40 години. Минатиот месец ги дигнаа каматите за 75 поени – најмногу по 1994 година.
„Морате да размислувате за 100 базни поени во јули“, вели Andrew Hollenhorst, главниот економист на Citigroup. „Треба сите да се прилично внимателни кога станува збор за врвот на инфлацијата – пред неколку месеци врвот требаше да биде 8,3 отсто“.
„По тоа што се случи во јуни, не исклучувам ништо", вели Stephen Stanley, главниот економист на Amherst Pierpont Securities. "Мислев дека ФЕД ќе го намали темпото на 50 базни поени од септември, но ако во следните два месеци бројките за инфлацијата изгледаат како во мај и јуни, сите обложувања се исклучени“.
.webp){kind=icon}
Во моментов нема коментари за веста. Биди прв да коментира...