Вредноста на доларот падна, а на државните записи се зголеми откако Џо Бајден се откажа од кампањата за реизбор и ја поддржа потпретседателката Камала Харис. Фјучерсите на европските акции укажаа на добивки на отварањето.
Мерачот на „Блумберг“ за јачината на американската валута падна за 0,1 процент, додека приносот на 10-годишниите обврзници се намали за два базични поени. Мексиканскиот пезос се искачи, златото доби, а биткоинот се искачи на највисоко ниво за повеќе од еден месец.
Договорите за Euro Stoxx 50 пораснаа за 0,5 проценти, заедно со поскромните добивки за фјучерсите на американските акции. Тоа означува дивергенција од загубите на азиските берзи кои останаа опседнати од слабиот технолошки сектор.
Прочитај повеќе
![Џо Бајден се повлекува од трката за претседателските избори во САД](/data/images/2024-07-21/66161_joe-biden-2_kf.jpg)
Џо Бајден се повлекува од трката за претседателските избори во САД
Бајден (81) ѝ се заблагодари на потпретседателката Камала Харис (59) што е „извонреден партнер“
21.07.2024
![Нов проблем за Бајден - има ковид](/data/images/2024-07-18/65973_414005055_kf.jpg)
Нов проблем за Бајден - има ковид
Високи лидери на Демократската партија лично го предупредуваат Бајден дека веројатно нема да го победи Доналд Трамп.
18.07.2024
![Самодовербата на Бајден во судир со стравот на демократите](/data/images/2024-07-13/65646_413850716_kf.jpg)
Самодовербата на Бајден во судир со стравот на демократите
За многу Американци, инсистирањето на Бајден да се кандидира повторно и пркоси на логиката
13.07.2024
Кинеските обврзници оставија белег добивајќи откако централната банка ја намали основната каматна стапка. Приносот на 10-годишната суверена обврзница падна за два базични поени. Акциите во земјата паднаа, бидејќи инвеститорите продолжија да изразуваат разочарување поради недостатокот на силни стимулативни мерки од неодамнешниот голем состанок на Комунистичката партија.
Инвеститорите со недели размислуваа за поголеми изгледи дека Доналд Трамп ќе победи на изборите во ноември по слабите дебатни перформанси на Бајден, само за да се забрзаат облозите за победа на Трамп минатата недела по обидот за атентат врз републиканскиот кандидат. Прашањето за инвеститорите е дали да се задржат на таквите облози сега кога Бајден се откажа од својата кандидатура за реизбор.
„Соочени со ‚бомбашки изненадувања‘ втора недела по ред, азискиот пазар ќе биде под интензивна крутост“, рече Хебе Чен, аналитичар во „ИГ Маркетс“ (IG Markets). „Забрзаниот бран на одбивност кон ризик може да ги погоди азиските акции посилно од претходната недела, бидејќи инвеститорите се обидуваат да го сварат непознатиот политички контекст. Пазарот на девизниот курс исто така ќе го почувствува зголемениот притисок“.
Во Кина, банките ја намалија својата главна референтна стапка на заеми за прв пат од август 2023 година, зголемувајќи ја поддршката за економскиот раст по намалувањето на стапката на ПБОЦ (PBOC).
Претседателот Шји Џјинпинг ги откри огромните планови за зајакнување на финансиите на задолжените локални власти во Кина, додека владејачката Комунистичка партија го објави својот долгорочен план за втората по големина економија во светот. Тие се фокусирани на префрлање на повеќе приходи од централната во локалната каса, како на пример дозволувајќи им на регионалните влади да добијат поголем дел од данокот на потрошувачка.
Акцијата на кинеската политика сугерира дека „централната банка е соочена со дилема: треба да ја стимулира забавената економија која страда од станбената криза, но исто така треба да го исполни својот мандат за „моќна валута“ и да проектира имиџ на стабилни долго термински основи“, напишаа во белешката аналитичарите на „Номура Холдингс“. „Овој оперативен пресврт може да помогне да се постигне одредена финансиска стабилност, но исто така може да го ограничи каналот за пренос и да наметне нови спротивставени ветрови за кинеската економија со спречување на неопходното намалување на долгорочните трошоци за финансирање“.
S&P 500 ја претрпе најлошата недела од април бидејќи технолошките акции паднаа пред објавите за заработката. Дополнителен притисокот предизвика „Краудстрајк“ (CrowdStrike Holdings Inc.,) фирмата зад масовниот ИТ дефект што ги приземји летовите и ги попречи корпорациите ширум светот.
„Тесла“ (Tesla Inc.) и „Алфабет“ (Alphabet Inc.) ќе бидат првите од „седумте величествени“ што ќе ја пријават заработката во вторник. Аналитичарите најверојатно ќе го притиснат гигантот за електрични возила на Илон Маск за напредокот на неговите планови за роботаксија. И инвеститорите ќе истражуваат во детали за зголемувањето на приходите на „Гугл“ од вештачката интелигенција.
На другите места оваа недела, трговците ќе бидат фокусирани на податоците за економската активност во Европа, растот на вториот квартал во САД и одлуката за стапката на Банката на Канада.