Холцман од ЕЦБ: Можно е, но не и сигурно намалувањето на каматите во декември

Членот на Управниот совет на Европската централна банка (ЕЦБ), Роберт Холцман, рече дека е можно намалување на каматните стапки во декември, но во никој случај не може да се каже дека тоа е сигурна работа. Тој го изјави ова во рамки на интервјуто за „Клајне цајтунг“ (Kleine Zeitung), објавено денеска.

„Како што стојат работите во моментов, постои можност и во моментов нема ништо што води во спротивна насока, но тоа не значи дека намалувањето автоматски ќе се случи“, рече Холцман, кој инаку е шеф на австриската централна банка.

ЕЦБ од јуни досега веќе три пати ги намали трошоците за задолжување и се очекува тоа повторно да го стори следниот месец. Холцман е еден од најјастребски расположените банкари и беше единствениот противник на првичното намалување на каматите.

Коментирајќи ја победата на Доналд Трамп на претседателски избори во САД, Холцман рече дека може да се претпостави дека Трамп ќе ги спроведе своите планови за воведување царини и тоа високи за Кина и не толку високи за другите делови на светот, вклучувајќи ја и Европа, но сепак се тоа значајни царини.

Во моментов нема коментари за веста. Биди прв да коментира...

Остави коментар