Зголемувањето на каматните стапки од страна на Европската Централна Банка (ЕЦБ) на краток рок може да го врати односот меѓу валутите евро и долар на ниво на паритет, смета Горан Марковски, директор на КБ Публикум Инвест.
„Овие интервенции на Европската централна банка можат на краток рок да го вратат тој сооднос на ниво на паритет но, доколку потрае овој проблем со стагнација и рецесија во Европската Унија од една страна и ако се одржи поповолна економска состојба во САД, тогаш природно е да се очекува дека овој проблем и натаму ќе се продлабочува“, вели брокерот Горан Марковски од КБ Публикум Инвест во разговор за Блумберг Адриа ТВ.
Според него, ЕЦБ може да интервенира и со дезивните резерви што ги има во долари за на краток рок да го стабилизира малку еврото или да ја заштити европската заедничка валута од натамошен пад на вредноста. Марковски смета дека главни дестабилизатори на односот евро/долар се растот на цената на енергенсите, како и поволната клима во американската економија, која засега добро го поднесува ударот од глобалната криза.
За прогнозите и за тоа како може да се одбрани еврото, кое во моментов е под паритетот со доларот, погледнете го видеото со целиот разговор со Горан Марковски.
.webp){kind=icon}
