Цената на нафтата на светскиот пазар се стабилизира и е во благ пораст во однос на крајот на минатата недела, во пресрет на одлуката на Федералните резерви (ФЕД) в среда, која се очекува да доведе до натамошно монетарно затегнување.
ФЕД и други централни банки од Европа до Азија се очекува неделава да ги зголемат каматните стапки во обид да ја скротат неконтролираната инфлација. Фјучерсите на West Texas Intermediate (WTI) во моментот се околу 86 долари за барел.
Bloomberg Chartmaker
Цени:
- WTI за испорака во октомври, што истекува во вторник, на берзата во Њујорк беше стабилна на 85,76 долари за барел. Поактивниот ноемвриски договор беше малку променет на 85,38 долари во 12:18 часот во Сингапур.
- Брентот за ноемвриското порамнување поскапе за 0,2 отсто на 92,16 долари за барел на берзата ICE Futures Europe.
Потенцијалот за зголемена понуда дополнително влијае на изгледите. САД најавија дека во ноември ќе понудат дополнителни 10 милиони барели нафта од своите стратешки резерви, пред стапувањето во сила на забраната за увоз на руска нафта по морски пат, воведена од Европската унија. Понудите за нафта ќе бидат доделени најдоцна до 7 октомври.
Инвеститорите, исто така, ја разгледуваат можноста за поголем проток на иранска сурова нафта доколку долготрајните разговори за заживување на нуклеарниот договор дојдат до некаков заклучок. Разговорите за обновување на договорот на маргините на Генералното собрание на Обединетите нации во Њујорк се можност, изјави на прес-конференција портпаролот на Министерството за надворешни работи, Насер Канаани.
Обединетите Арапски Емирати (ОАЕ) сигнализираа забрзување на плановите за зголемување на капацитетот за производство на нафта, изјавија извори запознаени со ова прашање. Abu Dhabi National Oil, која ја испумпува речиси целата нафта од ОАЕ, сака да произведува пет милиони барели дневно до 2025 година.
.webp){kind=icon}
