Кувајт прогласи дополнителна виша сила за испораките на сурова нафта и рафинирани производи, со напомена дека нема веднаш да може да ги исполни сите обврски кон купувачите дури и кога Ормускиот теснец повторно ќе биде отворен.
Државната компанија „Кувајт петролеум“ (Kuwait Petroleum Corp.) испратила известување до клиентите во петокот, според документ во кој увид имал „Блумберг њуз“. Компанијата веќе на почетокот на март прогласи виша сила — правна клаузула што овозможува неисполнување на договорните обврски поради околности надвор од нејзина контрола — за продажбата на нафта и рафинирани производи, објави тогаш Блумберг.
Кувајт претрпе повеќе удари врз нафтената инфраструктура, а производството сега е на нивоа последен пат видени на почетокот на деведесеттите години, по ирачката инвазија. Најновото известување зема предвид дека за целосно закрепнување на операциите ќе биде потребно време и по смирувањето на судирот, изјавил извор запознаен со ситуацијата, кој побарал анонимност поради доверливоста на информациите.
Прочитај повеќе
Емиратите и Кувајт почнаа да го намалуваат производството на нафта
Обединетите Арапски Емирати и Кувајт почнаа да го намалуваат производството на нафта, откако речиси целосната блокада на клучниот Ормуски теснец почна да се прелева врз енергетските пазари и да влијае врз светската понуда.
08.03.2026
Иран во одмазничка офанзива, Израел и Заливот се под силен ракетен оган
Бран напади од страна на Иран го потресе Блискиот Исток. Има со жртви во Израел, прекини на струјата во Кувајт, а тензиите меѓу Техеран и неговите соседи се зголемуваат сѐ повеќе.
01.03.2026
Хаос и неизвесност во Ормускиот Теснец: закани, пукање и прекини
Ормускиот Теснец повторно е затворен по само 24 часа „отворање“ - пукање врз танкери, хаос на море и милиони барели нафта заглавени во Персискиот Залив.
пред 15 часа
Трамп најави нови преговори со Иран во Пакистан - Ормуз останува затворен
Американскиот претседател Доналд Трамп изјави дека ќе испрати претставници во Пакистан на разговори за завршување на војната со Иран во понеделник навечер и повторно се закани дека ќе ја нападне цивилната инфраструктура ако Техеран не се согласи на договор.
19.04.2026
Нов нафтовод меѓу Ирак и Турција би го решил проблемот со Ормускиот Тесенц
Извршниот директор на Меѓународната агенција за енергија, Фатих Бирол, предложи изградба на нов нафтовод што би ги поврзал нафтените полиња во Басра, Ирак, со медитеранскиот нафтен терминал во Џејхан, Турција, за да се намали зависноста од Ормускиот Теснец, според турскиот весник „Хуријет“.
19.04.2026
„Кувајт петролеум корпорејшн“ не одговори веднаш на барањето за коментар.
Војната во Иран практично го запре сообраќајот низ Ормускиот теснец, поради што складишните капацитети во регионот се полнат, а глобалните пазари на нафта трпат сериозни нарушувања. Речиси целосното затворање на овој клучен пловен пат претставува најлошо сценарио за земјите од Персискиот Залив, кои се потпираат на приходите од извоз на енергенси за финансирање на јавната потрошувачка.
Земјите низ регионот беа принудени да го намалат производството на нафта, гас и рафинирани производи поради затворањето на теснецот и иранските напади. Претходно овој месец, американската влада процени дека во текот на април ќе бидат запрени повеќе од девет милиони барели дневно производство на нафта.
Официјални лица од Кувајт наведуваат дека производството би можело да се врати на предвоените нивоа во рок од неколку месеци по завршувањето на судирот.
.webp){kind=icon}
