Во групата најголеми земји производители на нафта ОПЕК+ размислуваат да ја намалат количината на испумпана нафта за да ја стабилизираат цената на пазарот. Планирано е намалување на количините за повеќе од милион барели нафта дневно за повторно да се зголеми цената на нафтата на пазарот.
Ваквото намалување би било најголемо од пандемијата, а делегатите на ОПЕК+ ќе ја донесат конечната одлука в среда на состанок во Виена. По најавата цената на барел нафта West Texas Itermidiate (WTI) скокна за три отсто.
„Падот на цената на нафтата веројатно е завршен. Инвеститорите во текот на летото станаа песимисти поради прогнозите за забавување на глобалната економија. Сега се чини дека има шанса цената на нафтата повторно да расте“, вели Ед Моја, аналитичар во Oanda Group.
Од почетокот на јули до крајот на септември цената на нафтата падна за четвртина поради намалената побарувачка. Банките, вклучително и UBS Group и JPMorgan Chase, проценуваа дека членките на ОПЕК+ ќе мора да ја намалат количината на испумпана нафта за најмалку 500.000 барели дневно за да ја стабилизираат цената на пазарот.
Дневното производство намалено за над милион барели ќе биде доволно за да се воспостави солидна основа за цените на нафтата, според Фил Флин, аналитичар во Price Futures Group. Пониското производство на нафта е лоша вест за големите потрошувачи, вклучувајќи ги САД и Европа, кои се борат со висока инфлација главно поради високите цени на енергенсите. Состанокот на делегатите на земјите-членки на ОПЕК+ ќе биде првиот состанок во живо по март 2020 година, на кој ќе се одлучува за количината на испумпана нафта за ноември.
„Прашање на време е кога цената на барел нафта повторно ќе достигне 100 долари, особено откако недостигот во понудата ќе стане многу очигледен кон крајот на годината“, смета Сувро Саркар, енергетски аналитичар во DBS Bank во Сингапур.
Во поголемиот дел од оваа деценија алијансата ОПЕК+ беше најпосветениот бранител на високите цени на нафтата во светот. Но само за неколку моменти неделава таа улога драматично се смени.
Во поголемиот дел од оваа деценија алијансата ОПЕК+ беше најпосветениот бранител на високите цени на нафтата во светот. Но само за неколку моменти неделава таа улога драматично се смени.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
