По жестоката распродажба вчера, невидена од декември 2018 година, како и намалениот апетит за ризик, може да се заклучи дека неделното берзанско тргување започна со силни сигнали за заздравување. Со оглед на тоа, не е потребно многу за да се поттикне раст на индексот „S&P 500“ од 2,6 проценти. Растот се припишува на надежите дека американските Федерални резерви (ФЕД) ќе ги намалат јастребските изгледи за пазарот и дека кризата на британскиот пазар слабее.
Берзанските индекси на Вол Стрит вчера силно пораснаа бидејќи инвеститорите се охрабрија од падот на приносите на обврзниците, а растот во Америка позитивно се одрази и на другите светски пазари на капитал.
Така, индексот „Dow Jones“ порасна за 2,66 отсто, на 29.490 бодови, а индексот „Nasdaq“ порасна за 2,27 проценти, на 10.815 бодови.
По три квартали пад, паралелно со агресивно зголемување на каматните стапки од страна на американските Федерални резерви (ФЕД), со цел ублажување на инфлацијата, на почетокот од четвртиот квартал годинава индексите силно пораснаа.
Раст на вредноста на акциите се забележува речиси во сите дејности, а најмногу во енергетскиот и банкарскиот сектор.
.webp){kind=icon}
