Вредноста на златото падна по дводневниот раст

Вредноста на златото ослабна откако вчера надмина 1.700 долари за унца. Инвеститорите анализираат дали американската централна банка ФЕД може да го ублажи зголемувањето на каматните стапки поради послабите статистички податоци за САД.

Златото е на пониско ниво поради тоа што се зголемија приносите од долари и особено од државни обврзници, чиј раст е скоро 4 проценти во претходните две сесии тргување.

Показателите за производство во САД, кои што се полоши од очекуваното, како и падот на бројот на отворени работни места помогнаа во тоа златните шипки да се искачат на клучното ниво од 1.700 долари за унца, означувајќи промена на расположението на пазарот.

Послабите статистички бројки ги зголемија очекувањата дека ФЕД може да ја забават својата агресивна монетарна политика на зголемување на каматните стапки, што може да ја зголеми привлечноста на златото, суровина која што не нуди никакви камати.

„Дното на вредноста на златото веројатно е некаде тука, кога САД покажува јасни знаци дека омекнува пазарот на работна сила“, вели Ед Моја, виш аналитичар на пазарите во „Oanda“, кој очекува дека вредноста на златото ќе продолжи да се покачува и да достигне ниво од 1.750 долари за унца.

Фокусот во наредниот период ќе биде на реакцијата на банкарите на ФЕД во врска со статистичките податоци.

Промптното злато утрово падна за 0,6 отсто на 1.715,41 долар за унца, а од вредноста загубија и среброто и платината.

Во моментов нема коментари за веста. Биди прв да коментира...

Остави коментар