Раст на цената на пченицата поради заканите на Русија за ескалација на војната во Украина

Цените на фјучерсите за пченица пораснаа трет ден по ред откако Русија се закани со ескалација на војната во Украина, што потенцијално би ги влошило пречките во глобалното снабдување со жито преку Црното Море.

Најактивниот договор за пченица во Чикаго во понеделникот забележа раст од дури еден процент пред делумно да се повлече од тие нивоа, а житото моментално бележи најдолга серија на раст во последниот месец.

Ова уследи откако руската влада, преку соопштение на Министерството за одбрана во неделата, најави дека нејзината војска ќе ги засили нападите врз инфраструктурата на Украина. Уште од јули, испораките на пченица од регионот на Црното Море - еден од најголемите светски трговски коридори за оваа житарица – се сериозно ограничени.

 

 

Секоја понатамошна ескалација на конфликтот би можела да ги попречи напорите на Турција да ги заштити пратките со жито што минуваат низ регионот.

„Посредништвото на Турција може на крајот да ги обнови испораките, но за постигнување договор би можеле да бидат потребни месеци“, се наведува во извештајот на „ЦРМ Агри Комодитис“ (CRM AgriCommodities) од петокот. „Напредокот би ја елиминирал премијата за ризик, додека продолжените пречки во снабдувањето ги одржуваат цените високи.“