Вредноста на златото варира под влијание на случувањата во светот

Златото поскапе паралелно со слабеењето на доларот во услови на континуирана неизвесност околу тоа дали американската централна банка (ФЕД) ќе продолжи со строгата монетарна политика за да ја победи инфлацијата.

По вчерашниот пад, вредноста на златото денеска расте и започна со покачување од 0,5 отсто, на 1.724,09 долари за унца. Индексот „Bloomberg Dollar Spot“ се намали за 0,2 проценти. Растат и среброто, паладиумот и платината.

Вредноста на благородниот метал е чуивствителна на промените на ставовите околу монетарната политика на ФЕД. Златото доби речиси 4 проценти на своето конто во првите два дена од тргувањето неделава во услови на разочарувачки американски податоци, но вчера се лизна за дури 1,5 отсто, откако новите бројки покажаа дека американската економија останува отпорна во извесна мера.

Американската валута неделава зајакна по објавата на статистичките податоци, ставајќи го златото под притисок, а денеска почна да се намалува. Банкарите на ФЕД остануваат цврсто на својот став за зголемување на каматните стапки додека инфлацијата останува висока, а не очекуваат ниту намалување на каматите во 2023 година. Прогнозите за инфлација станаа уште помрачни откако Организацијата на земји извознички на нафта и нивните сојузнички (ОПЕК+) донесе одлука за најголемото кратење на производството на нафта од 2020 година, за дури 2 милиона барели на дневно ниво. Тоа би можело уште еднаш да ги поттикне глобалните ценовни притисоци, кои што делумно се намалуваа поради падот на цената на суровата нафта.

„Случајот на ФЕД не е променет од почетокот на циклусот во март 2022 година, намалувањето на инфлацијата е поважно од самиот раст“, ​​напиша Том Прајс, аналитичар во „Liberum“.

Во моментов нема коментари за веста. Биди прв да коментира...

Остави коментар