Американците оваа зима ќе потрошат најмногу за греење во последните 25 години. Американските домаќинства се соочуваат со просечни сметки за струја од 1.359 долари оваа зима, што е највисока од 1997 година, покажуваат податоците на Управата за енергетски информации.
Голем дел од тој раст е предизвикан од повисоките трошоци за природен гас, домовите кои се потпираат на нафта за греење пак, ќе бидат погодени уште потешко, со просечна сметка од 2.354 долари. Американците веќе се борат со повисоки цени на се, од бензин до намирници.
Глобалниот недостиг на дизел и затегнатите резерви на природен гас може да ја влошат ситуацијата. Залихите на дизел во САД се на најниско ниво за една сезона, додека залихите на гас се шест отсто под нивниот петгодишен просек.
Кризата најмногу ќе го погоди североисточниот дел на САД, кој има ограничен капацитет на гасоводот и се потпира на дизел за греење. Цените на природниот гас и дестилатите - меѓу кои е и мазутот - зимава поскапуваат за речиси 30 отсто, а зимата се очекува да биде постудена од лани, велат од Управата.
Снабдувањето со гас може да се зголеми со поголемо производство, но производството на дестилат останува на минатогодишното ниво, додека војната и енергетската криза во Европа го ограничува увозот на источниот брег.
.webp){kind=icon}
