.webp){kind=icon}
Железната руда продолжи со падот на вредноста откако веќе пет недели по ред е во минус. За тоа придонесе и кинескиот претседател Си Џинпинг, кој не понуди шанси за промена во политиката на нулта Ковид, која што ја опустоши побарувачката за челик во текот на минатата година. Отварајќи го вчера клучниот Конгрес на Комунистичката партија во Пекинг, кинескиот претседател го повтори својот пристап за нулта толеранција кон епидемијата, ограничувајќи го оптимизмот за скорешно укинување на строгите правила за сузбивање на епидемијата. Исто така, немаше многу новини во секторот недвижнини во Кина, кој што е погоден од криза.
Вредноста на железната руда падна за дури 2,6 отсто и се тргува за 92,05 американски долари за тон. Евентуален пад под 91,20 долари за тон би значело најниско ценовно ниво од ноември 2021 година.
Bloomberg Mercury
Според Чен Венгуанг, директор за истражување во „Lange Steel Information Research Center“, побарувачката и натаму е слаба. Тоа се одрази на минатонеделниот пад на показателот за цената на челикот, додека неодамнешното ширење на Ковид вирусот дополнително ја ослабна довербата на трговците, смета Венгуанг.
„Опуштен став за Ковид би бил потенцијален спас за стоките“, рече Вивек Дар, аналитичар во „Commonwealth Bank“ од Австралија. Повторувањето на кинескиот претседател дека развојот останува главен приоритет сугерира дека следната година е можно одредено ублажуавње на водечката политика ако состојбата во економијата дополнително се влоши.
Материјалот за производство на челик се тргува по ценовно ниво, кое што е блиску до својата најниска точка годинава бидејќи постои закана дека побарувачката за челик ќе паѓа до крајот на годинава. Опкружувањето уште не е оптимистично и индустријата се соочува со тешка пазарна ситуација, на што предупредуваат дел од водечките компании во секторот.
Општото забавување на производството на челик стана очигледно, при што цените на печките во главниот кинески центар за челик, паднаа за прв пат во пет недели.
Кина утре треба да ги објави најновите економски податоци, вклучувајќи го растот во третиот квартал и активностите во секторот недвижнини, како и септемвриското производство на челик.
