Администрацијата на Бајден се движи кон испуштање на уште најмалку 10 до 15 милиони барели нафта од залихите за итни случаи на САД во обид да ги балансира пазарите и да спречи понатамошно зголемување на цените на бензинот, според извори запознаени со ова прашање.
Испуштањето на стратешките нафтени резерви (SRN) ќе биде последната транша од програмата од 180 милиони барели што започна пролетта.
Администрацијата, исто така, неделава треба да објави детали за плановите за обновување на резервите за итни случаи. Одделот за енергетика во мај објави дека планира нов начин на откуп за да се овозможи „конкурентен процес на наддавање со фиксна цена“, со цени што би можеле да се заклучат многу пред испораката на суровата нафта.
Посебно, администрацијата сè уште размислува за ограничувања за извозот на гориво за да задржи повеќе бензин и дизел во САД, според извори кои не се овластени јавно да зборуваат за внатрешни дискусии. Иако не е одредена временска рамка за одлука за тој потенцијално драматичен чекор, тоа нема да се случи пред среднорочните избори во ноември, посочи еден од изворите.
Администрацијата на Бајден ќе објави детали за плановите за надополнување на залихите во итни случаи / Bloomberg
Со навлегувањето во зимата, САД имаат најниски сезонски залихи на дизел, според податоците кои се водат од 1982 година.
Идејата за привремена контрола на извозот предизвика поделба во администрацијата, при што главниот советник на Бајден за енергија, Амос Хохштајн, се залага за нови контроли иако заменик-министерот за енергетика Дејвид Турк изрази загриженост, велат извори запознаени со ова прашање. Други претставници на Белата куќа, вклучително и советникот за национална безбедност Џејк Саливан и шефот на кабинетот Рон Клајн, допрва треба да дадат препорака.
Претставници на Министерството за енергетика и Белата куќа неделава тивко се состанаа со нафтените компании, вклучително и Exxon Mobil Corp. и ConocoPhillips, за да им дадат до знаење што да очекуваат, додека и натаму се залагаат за дополнително производство на нафта и рафинирано гориво.
Претставници на нафтената индустрија и енергетски аналитичари предупредија дека ограничувањето на извозот на гориво може да доведе до повисоки цени во делови од САД, особено во североисточниот дел кој зависи од увозот.
Портпаролите на Белата куќа не коментираа веднаш. Министерството за енергетика се повика на претходен коментар во кој се вели дека администрацијата ќе ги разгледа сите достапни алатки за заштита на Американците и почитување на обврските кон сојузниците.
Просечната цена на галон бензин во САД повторно „флертува“ со четири долари / Bloomberg
Републиканците го направија растот на цените на бензинот и инфлацијата централен дел од нивната кампања за преземање на контролата врз Конгресот на изборите. Белата куќа се обидува да ги ублажи зголемените трошоци на бензинските пумпи и да ги зајакне тесните домашни резерви на гориво за зимата, истовремено реагирајќи на одлуката на групата ОПЕК+, која претходно месец одлучи да го намали производството.
Цените на бензините, еден од највидливите знаци на инфлација, беа главна тема за претседателот Џо Бајден, кој во последните неколку недели постојано ги предупредуваше нафтените компании да не ги зголемуваат трошоците.
.webp){kind=icon}