Вредноста на златото падна на тринеделен минимум

Златото падна на најниско ниво во последните три недели откако инфлацијата во Обединетото Кралство се врати на двоцифрена стапка, зајакнувајќи го со тоа притисокот врз владата и централната банка за натамошните активности.

Утрово златото се тргува по 0,7 проценти пониска цена, односно унца чини 1.640,73 долари.

Вчера, пак, златото падна за дури 0,9 отсто, што претставува најниско ниво од 28 септември како резултат на тоа што податоците покажаа дека потрошувачките цени во Велика Британија во септември достигнаа највисоко ниво во последните 40 години и ги надминаа очекувањата на економистите.

Bloomberg Mercury

Бројките го зголемуваат притисокот врз креаторите на политиките за значајно да ги покачат каматните стапки, слабеејќи ја на тој начин привлечноста на бескаматното злато.

Доларот продолжи да расте и денеска порасна за 0,3 отсто, откако повеќе американски статистички податоци ги зголемија очекувањата за остра политика од страна на Федералните резерви (ФЕД). Заострувањето на монетарната политика од страна на централните банки оваа година влијае на златото затоа што го зголемува приносот од доларот и обврзниците, предизвикувајќи пад од 20 проценти на вредноста на златото од овогодинешното највисоко вредносно ниво достигнато во март. Претседателот на ФЕД-Атланта, Рафаел Бостиќ, повтори дека банката е фокусирана на ладење на инфлацијата, која што е најжешка во последните 4 децении.

Во моментов нема коментари за веста. Биди прв да коментира...

Остави коментар