Златото се задржа на најниската вредност во последните три недели главно поради шпекулациите дека американските Федерални резерви (ФЕД) ќе продолжат со агресивното затегање на монетарната политика, што потенцијално може да предизвика рецесија, а инвеститорите повторно прибегнуваат кон американкиот долар.
GOLDS:COM
GOLD SPOT $/OZ
1.632,59 USD
+3,1500000000001 +0,19%
почетна цена
1.629,44
претходна цена на затворање
1.629,435
промена од почетокот на годината
-10,946315329106%
дневен опсег
1.622,54 - 1.635,07
опсег на 52 недели
1.614,96 - 2.070,44
Златото порасна за 0,2 отсто, на 1.632,23 долари за унца на денешното тргување во Сингапур, откако претходната сесија на тргување ја затвори на ниво за 1,4 проценти пониско. Среброто и платината се стабилни, додека паладиумот паѓа.
Обновената сила на доларот сега доведе до пад на златните прачки за повеќе од 20 проценти од највисокото вредносно ниво годинава, достигнато во март. Благородниот метал, кој што не носи приноси и кој обично има негативна корелација со движењата на доларот, беше под притисок од силната американска валута.
Bloomberg Mercury
Вчера претседателот на ФЕД-Минеаполис, Нил Кашкари, рече дека американската централна банка не може да ја паузира својата кампања на заострување на монетарната политика дури ни откако ќе достигне ниво на референтната каматна стапка од 4,5 до 4,75 отсто доколку базичната инфлација и натаму забрзува. Тоа доведе до заздравување на американскиот долар и поголем принос на обврзниците.
„Јастребовските коментари на надлежните од ФЕД и натаму предизвикуваат турбуленции кај благородниот метал додека банкарите продолжуваат со реториката за потребата од зголемување на каматите заради зауздување на инфлацијата“, рече Автар Санду, виш менаџер за стока во „Phillip Nova“ и додаде дека поголемите приноси не беа охрабрувачки за цената на златото.
.webp){kind=icon}
