Цената на нафтата продолжи да паѓа бидејќи Саудиска Арабија и другите земји на ОПЕК разговараат за зголемување на производството истовремено со заострувањето на мерките против ковид во Кина, што ги нарушува изгледите за побарувачката.
Глобалниот репер Брент падна за цели шест отсто и се тргуваше под 83 долари за барел, што е најниско ниво од јануари. Падот се забрза откако Wall Street Journal објави дека ОПЕК + размислува за зголемување на производството за 500.000 барели пред почетокот на ембаргото на ЕУ за руската нафта.
Кина во текот на викендот ги објави првите смртни случаи поврзани со Ковид по скоро шест месеци, а властите на град со со 11 милиони во близина на Пекинг побараа од жителите да останат дома поради вирусот, предизвикувајќи дополнителен страв од ограничувања кај најголемиот светски увозник на нафта .
Суровата нафта ги избриша добивките направени на почетокот на кварталот, кога Организацијата на земјите извознички на нафта и сојузниците, вклучително и Русија, се согласија да го намалат производството за два милиони барели дневно.
Најавената забрана на Европската унија за руските морски испораки и планот на Групата седум за ограничување на цените ги заматуваат изгледите. Официјалните лица веројатно ќе го објават нивото на ограничувања во среда додека го засилуваат својот одговор на инвазијата на Москва на Украина.
.webp){kind=icon}
