text size
Акциите и фјучерсите се повлекоа откако водечките компании од областа на вештачката интелигенција повикаа на забавување на развојот на технологијата, што предизвика загриженост околу секторот кој беше еден од главните двигатели на овогодишниот берзански раст. Цената на нафтата порасна.
Останува неизвесноста околу крајот на војната со Иран. Истовремено, на полето на вештачката интелигенција, се води друга „војна“ - дали со развојот на ВИ треба да се прикочи малку, или како што бара Трамп, никако да не се дозволи Кина да ги претрка САД во ова стампедо.
Добро утро, ви пишува Игор Петровски од дигиталната редакција на „Блумберг Адрија“, ова се петте вести за почеток на денот:
Владата повторно го намали ДДВ-то на горивата – анализираме колку државата инкасира по основ на оваа ставка и колку ќе загуби сега?
Во услови на тотална неизвесност околу тоа до каде може да оди цената на нафтата – „Голдман Сакс“ предупреди на ризик од цена и од 120 долари за барел ако не се одблокира Ормуз – намалениот ДДВ на горивата се разбира дека не може целосно да го неутрализира поскапувањето на нафтените деривати, туку да го намали ценовниот удар доколку останела редовната даночна стапка.
За тоа колкав удар, пак, врз буџетот ќе претставуваат овие две недели на повластена стапка на ДДВ за горивата, може да пресметаме приближно. Но, да видиме прво, колку всушност државата заработува годишно по основ на ДДВ од горивата.
ОПЕК+ и цената на нафтата: Како функционира најмоќниот нафтен сојуз
Малку организации имаат толку директно влијание врз цената што ја плаќате на бензинските пумпи како ОПЕК+. Секогаш кога оваа група земји се состанува и носи одлука за производството на нафта, цените на суровата нафта на глобалниот пазар можат нагло да пораснат или да паднат за многу краток период.
Сепак, многумина знаат дека ОПЕК+ постои, без притоа точно да знаат што значи оваа кратенка, кои земји се негови членки и зошто нивните состаноци имаат толку големо влијание врз пазарот.
Стравот од ВИ ги стресе пазарите, црни сценарија во случај на посилен шок
Акциите паднаа низ целиот свет откако лидерите на најголемите фирми за вештачка интелигенција (ВИ) предложија забавување на развојот на технологијата. Технолошките акции предводеа во падот бидејќи напорите за ограничување на најсовремената вештачка интелигенција би можеле да влијаат на бумот што води кон стотици милијарди долари капитални трошоци.
Можеби како никогаш до сега, доаѓа до израз огромната зависност на пазарите на капитал од вложувањата во развојот на вештачката интелигенција со оглед на тоа што црните сценарија предвидуваат дека посилен шок кај технолошките акции поврзани со ВИ би имал огромно негативно влијание врз светската економија.
Трамп го нападна шефот на „Антропик“ поради неговиот апел да се “крене рачна“ со вештачката интелигенција
Претседателот Доналд Трамп го нападна извршниот директор на „Антропик“ (Anthropic PBC), Дарио Амодеи, поради неговото залагање за забавување на развојот на вештачката интелигенција, интензивирајќи го своето противење на новите заштитни огради за технологијата.
Во објава на социјалните мрежи во понеделник, Трамп обвини некаков „БОЛЕН заговор“ за реакцијата на гласачите кон центрите за податоци со вештачка интелигенција и зголемената загриженост за напредните модели, додавајќи дека „единствениот што е среќен поради тоа е Кина“.
Нафтените танкери заработуваат и по еден милион долари дневно среде војната со Иран
Цената за изнајмување танкер за нафта на референтнa трговска рута на индустријата за прв пат надмина 1 милион долари дневно, бидејќи војната со Иран остави премалку бродови кои се подготвени да го преминат Ормускиот теснец за да соберат товар.
Бродовите што превезуваат нафта од внатрешноста на Персискиот Залив до Кина се изнајмуваа за 1,035 милиони долари дневно, според податоците од Балтичката берза во Лондон во понеделник.
.webp){kind=icon}
